人生有幾多次會親身體驗撞車o既經過呢? 你o地有無咁o既經驗呢? 當然我都希望你o地唔會有呢o的咁o既經驗. 講真, 咁多年o黎, 我都睇過唔少次撞車, 通常都係一o的輕微o既碰撞. 其實撞車有好多種, 一種係比人撞, 另一種係去撞人. 猶記得早年臨近聖誔自己都曾經發生過車禍, 自己唔小心撞o左去前面架車度, 好彩衝力唔係太大, 兩車只係凹o左, 人無事. 最後只係罰款兼扣五分, 呢次係後者, 去撞人. 而今日 (又係臨近聖誕) 就比我體驗到比人撞o既滋味. 話說係大陸工作返o黎, 拖住疲乏o既身驅去搭車, 上o左架單層 276 返元朗. 當架巴士駛到快速公路中段時, […]