Skip to content

Month: January 2011

晚飯

平時晚飯都係出街食, 或者煮下公仔麵.  今日可以早放工, 又唔想返公司, 咁就好早五點半就返到屋企.  其實返到屋企, 咪又係做公司o野, 做做下已經做到七點, 開始準備今晚晚飯.    煮公仔麵?  叫外賣?  好似好悶, 又無乜心水食乜.  諗下諗下, 不如自己煮下飯仔啦.  睇下雪櫃有乜先.  有娃娃菜, 有肉丸, 好, 就整娃娃菜炒肉丸啦. 首先浸下菜, 去一去農藥; 煲一煲靚飯. 然後就係炒菜, 炒一炒之後, 再落埋o的切o左粒o既肉丸. 哈哈, 大功告成! 我唔客氣啦!!  開動!! 圖片取材自 www.kiwithebeauty.com

天氣與身體

近日天氣變凍, 亦持續了兩星期了, 不知大家有無著多件衫呢?  大家要好好保重身體.  因為天氣問題, 好多人身體都出現毛病, 例如傷風感冒, 氣管敏感…….  大家都覺得天氣凍, 只要著多件衫就無事, 點知都係出事.  請假, 返唔到工, 唉………. 今日咁啱係 Road Show 度睇到, 勞醫生解釋o左天氣與身體的關係.  天氣凍, 好多人都以為飲啖酒, 就可以暖身, 點知原來係錯o架.  當人飲酒後, 血氣運行, 身體發熱, 其實係消耗緊熱量, 飲得多, 仲會出現低溫症o架, 嚴重o既話仲會死添…  另一樣o野, 大家以為瞓覺時,…