Skip to content

Author: skyers13

給自己的聖誕禮物 2018

睇睇下 Facebook 無啦啦見到個廣告,show 咗個銀包出嚟,手多多去睇下,又見有特價,咁就發神經買咗。本身銀包用咗應該有十年,可能潛意識話要換,咁就當係送畀自己嘅聖誕禮物啦!希望都可以用到十年,靠你啦! 圖片取材自 www.koreastardaily.com

六弄咖啡館

嗯,係咪年紀大,經歷多咗,感情會豐富啲嘅呢?定係真係故事太感人?抑或自己眼淺咗?套戲其實都係一齣似那些年嘅故事,友情,愛情交織出一個故事,但係呢套居然令我睇完電影,然後去買咗本電子書(真係用錢係google play store度買的)返嚟睇。不約而同,我都係同一個位。。。。。。 未睇嘅朋友,去睇下。睇咗嘅朋友,有冇感動? 你問我睇書先定睇戲先?我會建議睇戲先,演員真係做得好好,好好,好好,(重要嘅嘢要講三次),只係男主角有好重嘅大陸口音,如果可以係台灣演員可能會更好。而電影係改篇咗小說嘅一啲嘢,但大致上係差唔多跟足原著。電影始終都係濃縮版,所以如果想睇多啲細節,就要睇小說啦! 亦估唔到作者居然就係呢套戲嘅導演,可能因為咁,佢可以拍到小說中嘅味道出嚟,正! 書名:六弄咖啡館作者:籐井樹

Toto 恆溫龍頭忽冷忽熱問題

Toto 恆溫龍頭忽冷忽熱問題終於解決…. (感動) 話說今年四月份去咗 amazon JP 買咗個 Toto 恆溫龍頭, 趁住工人姐姐嚟之前換埋睡房個沖涼水龍頭. 因為之前用緊嗰個係國產不知明嘅恆溫龍頭, 將呢個不知明嘅國產龍頭換去廳沖涼房畀工人姐姐. 換呢個 Toto 水龍頭真係一波三折.  首先, 原來 Toto 水龍頭係 4″ 頭, 但係牆身係 5″ 頭…. 去買咗個…

清山塾

呢度環境清幽,有All Day Breakfast, 又係 Cafe,又係書店。不錯,可以靜靜咁度過一個休閒時光。 圖片取材自 www.hk01.com

蘇菲的感謝咭

亞囡識得感謝我,真感動。希望佢會明白要努力過後才會有收穫呢個道理。不過我又想佢明白,努力過後未必一定有收穫嘅道理,凡事唔好因為想有報酬先做喎。好似好矛盾,點解釋畀佢知呢? 圖片取材自 www.chuenyuen2.edu.hk (學生 寗嘉茜作品)

深圳灣 Line Cafe

深圳灣半日遊。 原本三四月去,拖到今日先有時間約齊人去。仲要我一拖五美女去,真係艷福不淺。 今次去都只係打算去下 Line Friends Cafe & Store, 等亞囡們去同啲大公仔影下相,所以就約咗一點係深圳灣口岸等,過關再搭M299巴士係海岸城落車(車程大約十五分鐘)就得,好方便。去到門口,妹妹見到大型 Brown 公仔係門口,已經急不及待跑咗過去要影相。因為實在太肚餓,我哋就先去搵咗個位坐低,然後去買嘢食。呢度嘅價錢其實同香港差唔多,所以唔好諗住食平嘢,但係啲嘢食都幾好,對得起個價錢,不錯。 食飽飽,班美女就去晒store睇嘢影相, 我就自己一個繼續係度睇下手機上吓網等佢哋返嚟(因為三月嘅時候我已經嚟過兼影咗好多相)。都唔知經過幾耐,佢哋返嚟之後又話要試埋啲 cake 甜品先。 咁樣就 hea 咗一整個下午。 圖片取材自 www.gotrip.hk

保衛廣東話

轉載:前陣子在廣州一個飯局認識了一個川音畢業的湖北妹。閒聊間,我問她:妳來廣州都5年了,怎麼一句廣東話都不會說?她:身邊沒朋友說粵語,而且粵語也沒什麼好學的。我問:此話怎說?她很屌的說:大家都講普通話就好了,像粵語這種比較沒文化的方言,都快被邊緣化了,學它幹啥呀?學來有啥用呀!……作為一個講了幾十年粵語又叫讀過下書的香港人,我對他說的當然是不以為然。我問:言下之意,你是覺得說普通話比粵語有文化有內涵?她說:可以這麼說!我笑著說:很好很好,作為中原地區的中國人,你熱愛中國的文化麼?她:當然熱愛了!我:那你認為琴棋書畫、四書五經、唐詩宋詞…這些能代表中國的優秀文化麼?她:可以。我:你剛說你熱愛中國文化,那你瞭解唐詩宋詞麼?她:一點點。我:那你能隨便諗幾首唐詩宋詞出來聽聽麼?她:其實我也不太瞭解,但我是有聽說過唐詩宋詞,我大概知道是什麼回事。我笑說:好吧,我知你應該是跟絕大多數人一樣不瞭解的,不然你又怎會不知道距今已有1300年歷史的唐詩宋詞;其實大多數是用現今的所謂粵語寫成,用粵語才能讀得通順的呢?她:嚇?不是吧!唐詩宋詞那些不是用普通話來諗的麼?我笑說:1300年的唐代根本就還未出現現在所謂普通話,普通話是大概500年前北方蒙滿胡語雜交變種流傳至今的語言,不管詞彙、用詞、都比歷史久遠的廣東話單薄粗疏多了。如果你說熱愛中國的文化不是對人吹水唬弄的話,你就應該學好廣東話,不然你看很多古籍和諗唐詩宋詞就會看不懂讀不通。明白了麼?蘇軾:「寧可食無肉,不可居無竹,無肉令人瘦,無竹令人俗,人瘦尚可肥,士俗不可醫」的【食】字和【肥】字,正是廣東話。日常例子如~食餸、食嘢、好好食、肥仔、肥佬、肥騰騰。普通話唔係用「食」,係用「吃」,唔係用「肥」,係用「胖」。 李白:「人生得意需盡歡,莫使金樽空對月」的【樽】字,正是廣東話。日常例子如~買一樽豉油返屋企、飮番樽啤酒先、呢個玻璃樽入面係乜嘢來咖?普通話唔係用「樽」,係用「瓶」,一瓶、瓶子。詩経:「行行重行行,與君生別離」的【行】字,正是廣東話。行行重行行的意思是;行下,停下,再行下,又再停下,非常之依依不舍……廣東話日常例子如~行路、行街睇戲、行出去、行花市、行咗幾遠呀?普通話係用「走」或「逛」,走路、逛街。 杜甫:「朱門酒肉臭,路有凍死骨」的【凍死】,正是廣東話。廣東話日常例子如~好凍、凍冰冰。普通話唔係用「凍」係用「冷」。李白:「舉頭望明月,低頭思故鄉」的【望】字,正是廣東話。廣東話日常例子如~望住前面、唔好四圍望、望乜嘢?普通話唔係用「望」係用「看」。杜甫:「肯與鄰翁相對飲,隔籬呼取盡餘杯」的【隔籬】,正是廣東話。廣東話日常例子如~我就住喺你隔籬、隔籬鄰舍、搬過隔籬屋。普通話唔係用「隔籬」係用「隔壁」或「鄰居」。李煜的「問君能有幾多愁?恰似一江春水向東流」的【幾多】,正是廣東話。廣東話日常例子如~幾多錢?幾多個?普通話唔係用「幾多」係用「多少」。還有太多太例子,不多說了,有興趣自己去查找答案吧!粵語,有著千幾年深厚歷史文化基礎,係傳承中華古代文明的載體,推普冇問題,但倡議廢粵、貶粵、打壓粵語;絕對是破壞中華文化傳承的文盲行為。還有,敬告各位,唐詩真係要用粵語來讀先至啱,如果自己不懂粵語;冇文化就算了,千萬別隨便亂說別人講粵語是冇文化,真係會失禮死人。 以上是有力證據去保衞廣東話! 「聯合國正式定義粵語為一種語言, 此乃全球近1億2千萬粵人的大囍事! 在所有華語中只有(粵語和普語)被聯合國承認定義為語言!!! 聯合國正式定義粵語為一種語言(Language),而不再被稱為方言(Dialect),並且認定為日常生活中主要運用的六種語言(Leading Languages in daily use)之一。 English(英語),Chinese(中國普通話),Cantonese(粵語),Russian(俄語),French(法語),Spanish(西班牙語),Arabic(阿拉伯語)。 請每位識講廣東話的人, 睇完都一forward 分享出去, 希望把這訊息傳到一億人的手中. 保衛廣東話, 人人有責.

台北無限復活 (2018-April-09)

Day 8, 話咁快就到尾聲。今日就去酒店附近嘅大安森林公園行下。畀兩姊妹去玩下秋千,瀡下滑梯,臨尾都要佢哋放晒d電。 最後係機場求其搵間嘢食下,咁就要回歸地球,回歸現實,回到香港,繼續努力工作。台灣,有緣再聚!! 大安森林公園  地址: 台北市大安區新生南路二段1號