仲記得讀小學o既時候, 被老師選入校隊時, 第一件獲分發o既球衣就係 13 號, 比外國人稱之為不祥數字, 逄 13 號星期五, 就係叫黑色星期五, 有好多不祥o既事發生; 而電腦方面亦都有一隻病毒係叫做黑色星期五, 專門係13號星期五o既時候o黎發作! 唔知係咪真係咁o岩得咁橋, 我係中學校隊第一件獲分發o既球衣號碼就係 5 號…. 兩個數字加埋, 你話係咪好邪呢? 其實唔需要中學球衣號碼係 5 號, 我自己本身已經係姓伍啦…. 13, 5…
歡迎嚟到我嘅主場
Author: skyers13
老婆去o左睇由 Warner Music 同 Smartone-Vodafone 聯合主辦o既 欣賞 GiGi 梁詠琪演唱會. 對上一次睇演唱會係睇陳奕迅o既拉闊音樂會, 呢兩次都係因為有朋友去唔到, 所以比o左張飛俾我o地. 因為本身對演唱會興趣唔大, 所以都好少會主動咁買飛入場. 記得人生中第一次睇演唱會係睇張學友, 又係免費飛, 係由於當時出 call 機, 咁o岩大抽獎抽中o左, 所以入場睇. 反而自己會買o既演唱會係李克勤同埋雪狼湖. 講返呢次演唱會, 由八點半正式開始, 到九點半散場, 個半鐘入面, 發覺自己對梁詠琪o既歌真係唔係咁熟, 枉我仲話係佢fans,…
好久都未試過可以正正經經係屋企坐定定睇 VCD/DVD, 上個星期六日, 比較清閒, o的客又無乜電話o黎, 公司o野又唔多想做, 再加埋本身有少少唔舒服, 係咁咳. 所以都無周圍逛, 就係咁收埋o左自己係屋企. 唔知係咪習慣o左早起, 嘻嘻, 其實都係十點零左右起身. 瞓唔到, 咪起身做家頭細務, 打掃下間屋, 執拾下o的雜物, 經過一個早上o既努力, 係下午三點左右o既時候, 又未想瞓晏覺, 咁就開o左套戲o黎睇, 唔睇由自可, 一睇就弊傢伙, 係下午開始睇到夜晚, 將屋企差唔多未睇o既…
恭喜!!! 恭喜~~ 9月24日文氏夫婦係尖沙咀註冊, 獲得香港特區政府o既承認之後…………. 10月7日o既早上, Jacky 係黃金海岸接過新娘, 老爺奶奶飲過新抱茶之後, 晚上再去潮濠城擺埋酒, 經過咁多事, 根據中國人o既傳統, 亞吉終於正式成為 Jacky o既老婆啦. 今日一早5點零起身, 真係無乜可能自己會咁早起身, 為o既咪就係做 Jacky o既兄弟, 幫佢手去接新娘囉. 今日一定要將新娘搶到手! 首先大家兄弟係黃金海岸o既麥當奴食過早餐之後, 大家就整整齊齊咁出發去接新娘!!…
自問身體向來都健健康康, 無乜病痛! 細路仔時代, 就好似唔識病咁, 最多係跌損, 擦損, 總之都係唔小心整傷自己, 記得最嚴重一次係由山腰碌o左落山腳, 攪到損手爛腳之外, 就係整斷o左左手邊o既鎖骨! 足足醫o左成三個月, 諗起都覺得痛~~ 而上到中學, 都好少病痛, 普通傷風感冒一年都只係兩三次, 有可能自己係傻瓜, 所以唔識病. 冬天仲可以著件校服加冷衫就算… 唔知係咪而家o既細菌多o左, 勁o左, 攪到自己都弱o左咁呢? 近呢兩年, 身體真係多o左好多毛病, 講緊o既唔係普通傷風感冒, 而係一o的好令人厭煩o既病痛………….…
2005年10月2日就係我倆結婚o既日子, 估唔到話咁快, 我就結o左婚一年啦!! 今年o既慶祝活動係……….返屋企同家人做節! 今年咁o岩, 撞正屋企做節, 所以無得同老婆二人去慶祝, 食飯撐檯腳! 無計啦, 唯有搵日再同老婆慶祝補數!! 剛剛上網查o左o的o野, 原來結婚紀念日有一個稱呼o架!! 唔知? 等我話你知啦 結婚一周年 : 紙婚 / 結婚二周年 : 布婚…
日期 : 22/Sept/2006地點 : 灣仔修頓街場賽果 : 20:0 (PISA vs X-MAX) 都唔記得o左要報告一下第三場比賽o既結果. 如果有打開波o既朋友, 一睇到個比分, 就知道點解!! 唔知o既朋友唔緊要, 而家話你知. 20 比 0 , 唔好諗住我o地咁勁, 人o地連入分o既機會都無, 其實唔係, 只不過係對手無o黎到打, 所以根據籃球規則,…
今日終於到o左 Jacky 同 亞喆 註冊o既日子啦! 好開心, 係度講返句 – 恭喜晒!! 佢係我o地朋友堆中第四個結婚o既人, 首先有亞Lo, 跟住係我, 再o黎係亞Ken, 而家就係 Jacky 啦! 真係…..浪子泊岸啦!! 真係戥佢高興, 開心! 雖然佢已經三張, 但係今日佢仍然係好型仔, 係稍為肥o左少少!! 希望佢o黎緊o既擺酒日, 可以 slim o的啦!! 到時真係型爆全場!!…
之前講o左九月三號去o左海洋公園!! 其實o個晚我仲要去珠海, 出席公司會議~ 所以我係晚上六點就同左鄰右里講拜拜, 孤身出發到珠海! 去到珠海都已經係八點左右, 拿拿臨 join 返班同事. 醫o左肚先! 跟住就係返去會議室, 繼續開大會!! 其實呢個大會主要係講公司o既方向, 服務範圍, 性質! 足足係o個晚, 攪到成十二點先散, 跟手去飲杯o野, 返到酒店時都成點幾. 好鬼死眼瞓….. 上去酒店時都死死下, 但係當我一入到酒店房, 真係 “頂”.…
久違了的海洋公園 其實去海洋公園呢個計劃, 好似係五月已經開始籌備, 但係朋友之間o既日子真係好難可以夾得o岩, 本來都夾o岩o左係五, 六月, 但係點知天公不做美, 要延期, 終於最後係九月三號呢個日子, 一個唔係風和日麗的早上, 我o地一大班朗庭園o既鄰居朋友, 起程去海洋公園. yeah!!! 去到海洋公園, 我o地一行十四人, 當然係門口留個大合照先啦. 然後就梗係去玩機動遊戲啦, 睇下展覽館之類…. 計計埋埋我都玩o左成四樣o野, 有越礦飛車, 跳樓機, 過山車, 摩天輪, 登山鑬車; 而展覽館就去o左熊貓館(佢o地o黎o左咁耐, 而家先同佢o地見面, 真係唔好意思!), 鯊魚館,…