Skip to content

Category: 談天說地

新年快樂! 身體健康!

年初一啦, 係度同大家講聲新年快樂!  大家最緊要身體健康, 因為有o左健康o既身體, 咁先可以努力工作, 咁樣先會步步高升, 財源廣進.  擁有健康o既身體, 咁先可以同屋企人, 朋友去呢度食, 去o個度玩, 一家人, 一班人咁先開心o架嘛. 大家今年o既新年又會點過呢?  會做o的乜呢?  去旅行? 四圍去拜年?  係屋企抖?  點都好啦, 最緊要自己過得滿意.   今年唔可以派利是, 唯有係度同大家講返聲唔好意思.  上年剛剛結婚o既朋友們, 記得準備定利是啦, 今年會有好多人o黎抖你o地o既利是o架!  未結婚o既朋友, 你o地識得點做啦?   未結婚o既朋友, 今年就快快拉埋天窗, 出年派利是啦!  而單身o既, 梗係同你講返句, 今年可以搵到個合心水o既伴啦….. 好啦,…

奉獻o左~~ 第一次!! 好痛

7月18號, 星期三, 下午三點.  XX企業中心大堂. 由細到大, 都無乜o野怕.  睇醫生, 打針, 食藥, 比亞媽老豆打, 都唔怕.  就算細個係山碌落o黎, 跌斷手, 都唔怕, 好番後照上山玩.  機動遊戲, 什麼高速過山車, 跳樓機, 鬼屋, 照玩.  以前乜都唔怕, 總之新鮮刺激o野, 點都去玩一次!  無悔一生嘛!!  …

Tuzki 兔斯基

近期朋友如果有同我 msn o既話, 都發覺我多o左用一o的 icon o黎代表用字, 以前我初初用 msn o既時候, 都唔多用 icons, 因為o個時都唔覺得o的 icons 靚.  但係當我有一日, 見到呢個 tuzki o既時候, 就好喜歡了.  喜愛o既程度, 真係直迫我以前喜歡o既 Tama & Friends .  …

聯合國決定於2008年停用繁體中文?

當我係網路上睇到呢篇文章時, 真係嚇o左一跳!!  唔係嘛, 點解要取消呀?  有乜理由要取消呀?  唔通大陸而家強勢, 連聯合國都要埋堆? 終於係網路上搵到其中原因.  因為中華民國是在1971年退出聯合國, 之後, 中共政權所代表的中國接收了安理會的席位, 翻查聯合國的歷史文件, 可以發現, 1971年之前的文件都是繁體字, 1971之後則只有簡體字.   個人o黎講, 我覺得繁體字比起簡體字, 真係靚好多, 雖然簡體字係書寫方面係比較方便, 但係有o的字o既意思, 係只有繁體字可以表達出o黎!  大家之前都有睇過最緊要正字呢個節目, 裡面介紹o左好多字, 亦有介紹繁體字跟簡體字o既分別.…

壓力…

壓力, 兩個字, 睇到都覺得有好重, 真係好似有千斤聚住咁, 令人透不過氣來….   大家有無遇到過壓力呢?  我諗唔多唔少一定有遇過.  好似讀書時要考試測驗, 之前之後都一定有壓力.  就算係叫你去玩, 你都會有壓力o既出現.  工作上就一定有壓力啦, 做得唔好, 驚比老細鬧, 做得好, 又驚比同事之間話你係度搏乜o野.  壓力呢家o野, 真係無時無刻都會出現. 要點樣先可以完全解除壓力?  哈, 真係好難, 因為當一個壓力解決o左之後, 緊接又會出現另一個壓力, 真係吹佢唔漲.…

最怕…. 最討厭…

最怕….  最討厭…  大家一睇標題, 應該就知道我想講乜啦!  唔知大家覺得最怕, 最討厭o既事情係乜呢?   一直以o黎都以為自己係屬於o個隻乜都無所謂, 求求其其, 是是但但o既人, 但係原來有時自己都會…… 而其中我最討厭o既事情就係 – 等位.  即係食飯要等位o個隻, 唔知點解, 我覺得我比錢出o黎食飯, 你仲要我等成幾粒鐘先食得你一頭半個鐘, 我最鬼憎.  有時仲要係我先到, 但係遲o黎o既人可以先入去; book o左位, 準時到達, 以為可以唔駛等,…

Court!! 威~~ 武~~

撞車四個月之後, 終於到o左上庭o既日子 – 4月3日, 星期二, 早上九點半到達荃灣裁判處. 今日終於解決o左呢件煩惱事, 而家只係欠墊底費, 只要比埋保險呢筆數, 咁就叫做 close file. 今日一早九點十五分就到達o左荃灣, 入去第二法庭時, 見到o的公公婆婆, 全部坐晒係第一行, o個時覺得好奇怪, 搞乜鬼佢o地坐咁前呀?  我自己就當然坐係旁聽席啦!  因為都唔知可以坐係邊!  係開庭前一刻, 法庭人員係度讀名, 叫o的人跟住一個接一個去坐係第一行, 又估唔到班公公婆婆都係其中一份子, 佢o地原來唔係o黎聽審o架!…

開工大吉

今日係新春之後o既第一日全面上班.  本來都開開心心, 但係點知食食下早餐, 突然有個客打電話o黎, 話部 Server Down o左!!  嘩, 真係衰, 第一日返工就 Down Server, 咁唯有拿拿聲食埋個早餐, 跟手就去個客度, 本來都以為好快可以搞掂, 點知去到搞o左成兩三粒鐘到下午兩點, 終於確定死因, 要 call HP 上o黎更換零件!!  諗住可以走人出返去食飯, 然後返公司, 點知o個頭想走人,…

新年快樂

豬年已經o黎o左啦, 唔知大家今年有乜新年願望呢?  大家係呢個新年假, 又去o左邊度玩呢?  有無食蘿蔔糕?  有無食滯呀??  未結婚o既你, 拆o左利是未?  打算點用o利是的錢?  買o左乜o野比自己做新年禮物呢? 哈哈!! 我雖然無利是逗, 不過, 我都買o左樣o野比自己, 係呢個大年初一, 我走o左去買 呀!!  好開心, o個晚仲走o左去 Jacky 屋企, 係佢部大電視度玩到成半夜三更先走!  真開心!   一輪咀講o左咁多o野,…

聖誕 Party

聖誕 party, 唔知大家今年有無參加呢?  又參加過幾多個呢?  今年我就有兩個, 一個係同o的左鄰右里, 另一個係同班朋友一齊慶祝聖誕.   話明係聖誕 party, 當然少不免禮物呢家o野啦, 由於今年有兩個 party 要參加, 所以要買兩份禮物!  大家都知, 諗買乜o野禮物好煩o架嘛.  加埋今年有個主題, 就係要實用, 所以都幾難諗. 今年o既聖誕都算幾凍, 似返一個聖誕!  今年o既燈飾比往年靚, 唔知係咪真係經濟好o左, 係街度見到o的人都覺得o的人比較投入去 enjoy 呢個聖誕, 點解咁講?  因為係街度見到好多人戴晒聖誕帽, 個個都開開心心, 所以感覺今年o既聖誕氣氛好過舊年!  講返…