話說星期二晚, 我要入珀麗灣打波, 咁約o左 Solomon 係青衣城大家樂食晚飯. 我o地兩個買o左o野食之後, 就去搵位坐低. 食食下, 突然間我見到隔離座o既女人 (年約五十多歲) 起身, 佢望一望, 然後走過去 Solomon 身邊, 跟住同佢講: 女人: 亞~叔~呀~, 唔該幫我睇住o的o野, 因為我要出去拎飯呀… Sol : 哦~~ (慢慢抬起頭回答)Rakan: 笑到見牙唔見眼 (無笑出聲, […]
繼一月頭外婆過o左身之後, 昨晚返屋企食飯, 又聽到個唔開心o既消息, 就係抱病多時o既伯父都係早幾日離開了! 估唔到新年前外婆走o左, 而新年後伯父又走埋… 早幾日同o的客講開, 原來近排都好多人都離開o左, 個客本身都有親屬走o左, 仲有大家都知道o既開心果 – 肥姐都離開o左啦, 連影音界都失去o左 HD DVD 呢個高清選手! 一個一個不幸o既消息接踵而來, 伴隨住o既當然係唔開心啦. 但係另一方面諗, 佢o地都受o左病魔咁耐o既折磨, 離開都係一種解脫. 身邊人見到佢o地咁辛苦, 真係有苦自己知. 好似外婆瞓係醫院o個兩三個星期, 大舅父日日煲湯,
話咁快又過o左一年, 又到o左自己生日o既日子. 上一年我做緊乜呢? 有乜o野慶祝活動呢? 忘記o左添… 今年o既生日, 原本都無乜話要點慶祝, 但係公司班同事朋友好有心, 佢o地話幫我慶生日, 仲話請我去 Oyster Station 添… 嘩, 真係多謝晒佢o地. 今日一起身返工, 居然發生o左一件幸運事. 之前先同 Victo 講過, 我未遇過咁o既情況, 估唔到今日生日, 一早就發生o左. 就係…. 搭巴士唔駛錢. 今日上車時, 巴士司機: 八達通壞o左呀,
今日係年初五, 大家返工未呀? 新年放o左咁多日假, 又去o左邊呢? 有無去睇戲? 我就因為今年唔需要去拜年, 所以放假呢幾日都係屋企過. ( 喂: 咁你咪好悶? ) 唔係喎, 我好滿足呀, 日日係屋企煲碟, 清o左唔少囤積o既 DVD, 真係一大樂事. 因為新年開幾大聲都無人會投訴, 可以盡情咁享受一下. 今年年初一就陪o左細妹同老婆去o左睇魔法奇緣. 講都唔信, 真係無諗過自己會去睇呢套迪士尼作品, 呢個故事係講童話故事入面o既公主, 比巫婆陷害而去o左現實世界, 當中有好多笑料出現, 我諗細路仔去睇會好開心, 因為真係好輕鬆,
年初一啦, 係度同大家講聲新年快樂! 大家最緊要身體健康, 因為有o左健康o既身體, 咁先可以努力工作, 咁樣先會步步高升, 財源廣進. 擁有健康o既身體, 咁先可以同屋企人, 朋友去呢度食, 去o個度玩, 一家人, 一班人咁先開心o架嘛. 大家今年o既新年又會點過呢? 會做o的乜呢? 去旅行? 四圍去拜年? 係屋企抖? 點都好啦, 最緊要自己過得滿意. 今年唔可以派利是, 唯有係度同大家講返聲唔好意思. 上年剛剛結婚o既朋友們, 記得準備定利是啦, 今年會有好多人o黎抖你o地o既利是o架! 未結婚o既朋友, 你o地識得點做啦? 未結婚o既朋友,
007 年 12 月 31 日早上, 天氣晴 晨咁早起身, 真係未試過咁早起身, 重要還著寒冷o既天氣, 真係好唔想起身呀… 不過無計啦, 鬼叫呢日係 Bobo o既大日子咩! 食過早餐, 我o地就出發接新娘子, 當然呢班姊妹唔會咁容易比我o地過關啦. 佢o地都算辛苦囉, 設計o左咁多o既遊戲比我o地, 可惜, 我o地兄弟同心,
一月三日係亞 Rock o既結婚大日子. 佢同女友終於係 2008 年拉埋天窗, 真係可喜可賀. 當日佢o地係沙田馬場第一座看台二樓o既馬會廂房舉行結緍典禮. 當晚都開o左成二十七圍, 亞 Rock o的親朋戚友真係好俾面, 差唔多請親o既都有o黎, 即係証明呢個朋友o既人緣真係好好. 本來一早被邀約做佢o既兄弟, 但係突然間因為某o的緣故, 搞到我被迫要退出兄弟團, 係度真係要再同亞 Rock 講返聲: 唔好意思. 雖然我做唔到兄弟, 無去參與接新娘, 但當晚係電視播返佢o地早上接新娘o既情況時, 真係慶幸自己無去,
今年發生o左好多事, 有開心, 有傷心, 呢o的都係人生其中o既一部份! 而家就o黎同大家回顧一下!! 一月今年係我第一年跟珀麗灣o既球隊一齊去參加比賽! 二月當然係我o既牛一啦… 年年牛一都係新年, 今年都係, 所以都無乜特別… 都係同老婆一齊慶祝! 嘻嘻! 四月終於了結o左撞車意外單 Case. 六月細妹 Sarah 結婚, 真係戥佢開心. 七月人生o既第一次 – 捐血
今個聖誕節 25 號同 Victo 去o左睇投名狀, 揀投名狀睇, 梗係因為華仔, 劉德華呀, 當然仲有我另一個至愛 – 徐靜蕾啦…. 我呢o的元朗人當然留係元朗消費啦, 所以我就揀o左新元朗中心入面o既百老匯, 時間係 3:25pm. 我一早係網上訂o左飛, 行數已經係尾三中間位. 睇落好似好正呵~~ 但係去到就…. 弊傢伙, 原來係 1 號院, 細到嘔…… 唉!!! 尾三都要抬高頭睇,
日期 : 21 / Dec / 2007 晚上 10:00地點 : 蕙荃室內體育館賽果 : 20 : 0 ( vs PISA) 今場比賽, 因為人數方面不足,