日期 : 29/ Nov/2007 晚上 9:00地點 : 荃景圍室內體育館賽果 : 54 : 44 (海鷗 vs PISA) 今個月頭剛剛打完第十一場比賽, 話咁快又收到電話通知, 月底又有一場比賽, 終於係上星期比賽完畢, 我o地又輸o左. 不過今場真係我打波以o黎最見識得多o既一場. 我真係自己無參與過一場波出現o左故意犯規, […]
十一月經歷o左一個親人o既離去，然後又一個新生命o既誕生。感覺好奇怪？！ 人o既生命真係好奇怪，有o的人可以活到百歲，就算係又煙又酒，一樣可以；但係有o的人乜都唔好，無煙無酒，早早起，偏偏就英年早逝。究竟點樣先可以做到長命百歲？真係…..！好似係十一月頭，返屋企食食吓飯，老媽子話十一月七號去表弟兆明o既葬禮，當時真係愕o左然，點解無啦啦會死o左？雖然近年都知佢身體係差，但係唔係差到咁，話去就話，感覺唔係咁舒服。 表弟同我係同齡，佢只係遲我一個月出世。自細表弟雙眼已經有問題，醫生話佢到十三四歲可能會失明，所以有幾年o既暑假，佢都會過o黎我o地屋企住一排(因為佢係住九龍區，入o黎係體驗一下鄉村生活)。唔知係咪叫好彩，表弟最後只係有弱視，但係都係要靠人扶，行動變得不便，不過真係估唔到最後佢係會因為 cancer 離開。去到表弟個葬禮，因為表弟係一個基督徒，什麼過金銀橋，跳火盆都無, 只係好簡單，一大班弟兄姊妹送表弟最後一程。我可以做到o既只係安慰一下姨媽姨丈一家人。 當一個親人離開，個感覺真係好差，希望我身邊o既人都可以快樂咁健康咁生活。 當一個生命結束o既時候，就會有另一個新生命o既誕生。而呢個新生命就係我家姐所生o既細 B。不過呢個細 B 真係家姐搵命搏返o黎o架！話說十一月十六號家姐入住等生，但係都o左十八號下午六點幾都未夠開口度生，所以醫生提議不如開刀啦！就係咁，當我係老家食完飯返屋企打緊 Wii o既時候，接到老媽子o既電話，話家姐生o左，但係從電話入面把聲可以確認到一定有事發生，跟住就係知道家姐入o左深切治療房，當時真係又愕o左然，好緊張，好擔心，而老媽子就不停咁喊，而自已就要鎮定咁講，無事o既，放心啦！跟住就飛的過去醫院了解情況。 詳細情況其實都唔係好清楚，不過大概係咁樣！事緣家姐生細 B o既時候，醫生唔小心掂到以前開刀o既傷口，唔知發生乜o野事，拎o左細 B 出o黎之後，家姐一路都流血不止，需要轉到深切治療房，醫生話萬一真係止唔到血，為o左保住性命，就要犧性子宮，不過好彩，經過兩日o既深切照顧，終於可以轉返普通病房。而家細 B 同家姐都已經返o左屋企休養，所以細
日期 : 8/ Nov/2007 晚上 10:00地點 : 楊屋道街市室內體育館賽果 : 47 : 19 (Giant vs PISA) 今場比賽真係慘, 開賽前, 發覺好多人都o黎唔到, 三分射手 Andy
去到碼頭, 只不過係 9:45pm, 見到新渡輪排o左好長龍, 我o地唯有跟住排啦. 排o左十五分鐘先入到入境處櫃位, 係呢 part 都叫順順利利, 就o係登船入閘一刻, 唔知點解好混亂, 有旅客大鬧職員, 又有人打尖, 到我o地去攞位時, 發覺我o地同教練一家失散o左!!! 搵極等候區都搵佢o地唔到, 所以斷定佢o地一家應該係已經上o左船. 佢o地就好準時咁上o左 10:30pm o既船返香港,
睇完比賽已經係下午三點, 當然第一時間係去醫下肚先啦! 本來我o地諗住去氹仔食大利豬扒飽, 點知大排長龍, 等唔切之下, 我o地轉而目標去新陶陶食翅, 但係可惜, 原來佢只係做午市, 之後要等到五點半先開門做生意, 係極度肚餓之下, 我o地唯有去o左誠昌飯店, 等o左 15 – 20 分鐘, 終於有位, 分別叫o左水蟹粥, 鯪魚球, 炒花甲, 椒鹽鮮魷同埋炒o左一碟菜,
NBA 中國賽 2007 – 睇波篇 起初無諗過會去澳門睇 NBA 中國賽, 由於Macau friend send o左封 email 比我, 話可以訂飛, 睇下我有無興趣. 點知當我問其他朋友有無興趣時, 個個都話 ok, 咁就組成o左一行十二人o既澳門 NBA
搬o左o黎新居都有四年, 近年由於老媽子關係, 屋企多o左o的植物. 都唔知點解老媽子咁興係o的乜乜節日就買盆花比過我o地. 印象中好似有比過蘭花, 紅掌花等等…. 所以屋企久而久之就會有唔同o既植物出現. 而 Victo 本身都有種開一o的葉子類o既植物, 但係當然佢無咁好恆心去打理啦, 到頭來就交比我.. 以我呢個乜都唔識o既人, 當然只係知道每日澆下水, 有時落下肥就算, 所以攪到o的植物過一排就拜拜. 今年年頭老媽子又整o左盆紅掌比我, 我心諗, 水種植物, 比足夠o既水比佢咪得囉,
日期 : 8/Oct/2007 晚上 09:00地點 : 北葵涌鄧肇堅室內體育館賽果 : 40 : 41 (?? vs PISA) 抖o左成兩個月, 終於再次比賽, 今次又去o左另一個比賽賽地, 就係北葵涌鄧肇堅室內體育館. 呢個體育館位於梨木樹, 咁大個仔,
10 月 2 日係我同 Victo 結婚 2 週年o既日子! 回想 2 年前, 真係忙到嘔, 由早上直踩到零晨, 先至可以返屋企抖抖…. 諗返而家都覺得隻腳痛! 今日o既天氣同 2 年前o既天氣都差唔多, 又係到 4
今日一大早就同屋企人出發去蛇口, 試下個新口岸, 試試點樣一地兩檢. 嘩, 原來真係幾方便, 起碼唔駛好似皇崗咁, 係中途要坐黃巴士, 又上又落, 咁鬼麻煩. 而且新口岸人又唔係多, 好順暢就過o左關. 前後連車程都只係半個鐘左右就到o左蛇口! 其實今次過去都無乜特別目的, 只係亞媽聽說蛇口有間o野食自助餐幾好, 想去試, 所以就應承同佢一齊去. 點知到今日都未搵到間o野係邊. 所以係食 lunch o既時候,