Skip to content

籃球主場 Posts

KEF PSW-3000 SubWoofer

好久都未試過可以正正經經係屋企坐定定睇 VCD/DVD, 上個星期六日, 比較清閒, o的客又無乜電話o黎, 公司o野又唔多想做, 再加埋本身有少少唔舒服, 係咁咳. 所以都無周圍逛, 就係咁收埋o左自己係屋企. 唔知係咪習慣o左早起, 嘻嘻, 其實都係十點零左右起身. 瞓唔到, 咪起身做家頭細務, 打掃下間屋, 執拾下o的雜物, 經過一個早上o既努力, 係下午三點左右o既時候, 又未想瞓晏覺, 咁就開o左套戲o黎睇, 唔睇由自可, 一睇就弊傢伙, 係下午開始睇到夜晚, 將屋企差唔多未睇o既…

Sherry and Jacky

恭喜!!! 恭喜~~  9月24日文氏夫婦係尖沙咀註冊, 獲得香港特區政府o既承認之後………….  10月7日o既早上, Jacky 係黃金海岸接過新娘, 老爺奶奶飲過新抱茶之後, 晚上再去潮濠城擺埋酒, 經過咁多事, 根據中國人o既傳統, 亞吉終於正式成為 Jacky o既老婆啦.   今日一早5點零起身, 真係無乜可能自己會咁早起身, 為o既咪就係做 Jacky o既兄弟, 幫佢手去接新娘囉.  今日一定要將新娘搶到手!   首先大家兄弟係黃金海岸o既麥當奴食過早餐之後, 大家就整整齊齊咁出發去接新娘!!…

靈魂之窗

自問身體向來都健健康康, 無乜病痛!  細路仔時代, 就好似唔識病咁, 最多係跌損, 擦損, 總之都係唔小心整傷自己, 記得最嚴重一次係由山腰碌o左落山腳, 攪到損手爛腳之外, 就係整斷o左左手邊o既鎖骨!  足足醫o左成三個月, 諗起都覺得痛~~  而上到中學, 都好少病痛, 普通傷風感冒一年都只係兩三次, 有可能自己係傻瓜, 所以唔識病.  冬天仲可以著件校服加冷衫就算…  唔知係咪而家o既細菌多o左, 勁o左, 攪到自己都弱o左咁呢? 近呢兩年, 身體真係多o左好多毛病, 講緊o既唔係普通傷風感冒, 而係一o的好令人厭煩o既病痛………….…

10 月 2 日 – 結婚一周年

2005年10月2日就係我倆結婚o既日子, 估唔到話咁快, 我就結o左婚一年啦!!   今年o既慶祝活動係……….返屋企同家人做節!  今年咁o岩, 撞正屋企做節, 所以無得同老婆二人去慶祝, 食飯撐檯腳!   無計啦, 唯有搵日再同老婆慶祝補數!! 剛剛上網查o左o的o野, 原來結婚紀念日有一個稱呼o架!!  唔知?  等我話你知啦 結婚一周年 : 紙婚   /   結婚二周年 : 布婚…

文康盃 – 第三場

日期 : 22/Sept/2006地點 : 灣仔修頓街場賽果 : 20:0 (PISA vs X-MAX) 都唔記得o左要報告一下第三場比賽o既結果.  如果有打開波o既朋友, 一睇到個比分, 就知道點解!!  唔知o既朋友唔緊要, 而家話你知.  20 比 0 , 唔好諗住我o地咁勁, 人o地連入分o既機會都無, 其實唔係, 只不過係對手無o黎到打, 所以根據籃球規則,…

亞喆 、Jacky 結婚啦!!!

今日終於到o左 Jacky 同 亞喆 註冊o既日子啦!  好開心, 係度講返句 – 恭喜晒!! 佢係我o地朋友堆中第四個結婚o既人, 首先有亞Lo, 跟住係我, 再o黎係亞Ken, 而家就係 Jacky 啦!  真係…..浪子泊岸啦!!  真係戥佢高興, 開心!  雖然佢已經三張, 但係今日佢仍然係好型仔, 係稍為肥o左少少!! 希望佢o黎緊o既擺酒日, 可以 slim o的啦!!  到時真係型爆全場!!…

公司 Meeting – 珠海行政房

之前講o左九月三號去o左海洋公園!!  其實o個晚我仲要去珠海, 出席公司會議~   所以我係晚上六點就同左鄰右里講拜拜, 孤身出發到珠海!  去到珠海都已經係八點左右, 拿拿臨 join 返班同事. 醫o左肚先!  跟住就係返去會議室, 繼續開大會!!   其實呢個大會主要係講公司o既方向, 服務範圍, 性質!  足足係o個晚, 攪到成十二點先散, 跟手去飲杯o野,  返到酒店時都成點幾.  好鬼死眼瞓…..  上去酒店時都死死下, 但係當我一入到酒店房, 真係 “頂”.…

延遲又延遲的海洋公園之旅

久違了的海洋公園 其實去海洋公園呢個計劃, 好似係五月已經開始籌備, 但係朋友之間o既日子真係好難可以夾得o岩, 本來都夾o岩o左係五, 六月, 但係點知天公不做美, 要延期, 終於最後係九月三號呢個日子, 一個唔係風和日麗的早上, 我o地一大班朗庭園o既鄰居朋友, 起程去海洋公園.  yeah!!! 去到海洋公園, 我o地一行十四人, 當然係門口留個大合照先啦.  然後就梗係去玩機動遊戲啦, 睇下展覽館之類…. 計計埋埋我都玩o左成四樣o野, 有越礦飛車, 跳樓機, 過山車, 摩天輪, 登山鑬車; 而展覽館就去o左熊貓館(佢o地o黎o左咁耐, 而家先同佢o地見面, 真係唔好意思!), 鯊魚館,…

深圳人才市場招聘會

今日係我第二次去深圳人才市場做招聘o既工作.  本來呢樣o野唔駛我做, 但係由於我同事突然間唔得閒, 去唔到, 所以改為由我頂上(上次都係咁)!   記得第一次去o既時候, 成個人都好緊張, 因為本身國語唔係太好, 好驚會表達唔到, 同應徵者溝通唔到, 會好鬼瘀!  而且又唔知道應該要做o的乜, 好彩第一次去o既時候, 有一個香港同事同我一齊, 佢本身都負責開大陸招聘o既事, 佢當時都教o左好多o野比我, 例如要睇清楚應徵者係本專畢業定係本科, 原來係有唔同, 又要問下佢工作經驗, 又要睇下佢o既行為, 表情, 談吐等等….  真係好多o野要留意!  最重要係我上次係招聘會中,…

文康盃 – 第二場

日期: 26/Aug/2006地點: 摩士公園室內運動場賽果: 48:38 (自力 vs PISA) 今日 26 號晚上 6 點, 我o地打第二場比賽, 今次比賽總算叫人齊, 差不多有九個人, 所以我可以有機會休息! 係前一日, 我特地上o左香港籃球總會o既網站, 去查下對手o既資料.  佢o地個隊名叫 – 自力.  嘩, 唔查猶自可, 一查就弊傢伙,…