終於都係要打。等咗咁耐，都係要趕喺佢就嚟無得打前走去打針，無得再拖。 究竟有乜驅使你去打針呀？ 我如果話畀你聽係【愛】，你信唔信？ 咪玩啦，我自己都唔信。 咁做乜無啦啦走去打？ 唉！ 咪就係要返大陸囉。 就嚟成年幾兩年都無返過大陸公司，真係唔敢想像間辦公室會變成點。 另外就係考慮有可能要返去大陸做轉名手續。如果無打針，真係到時開關話要打咗針先可以去，如果無打就要繼續隔離 21 日，咁樣就真係煩。 咁點解又唔打科興？ 我信科學。 暫時數據係講 BioNTech 對抗COVID-19 比較有效，再加上變種病毒都有抵抗能力，反而科興就…… 另一原因係由於多數西方國家都認證 BioNTech，將來要出國旅遊嘅時候，嗰本旅遊疫苗護照都係西方國家認證，咁當然打國際公認嘅疫苗啦！ 好啦！講咗咁耐，上網 […]