為咗亞囡,咁多年都無裝過呢類產品,而家居然裝了。安裝唔算難,由於係日本網站購買,配件唔多啱家裡的水龍頭,需要自己係五金舖買個轉接器安裝。點解裝?就係想過濾食水囉。安裝時候,拆舊水龍頭時,居然搞到成手黑了,原來係個水栓塞甩色,而出水位居然有好多沙石仔,真係嚇一跳。唔裝濾水器,真係唔知原來個水龍頭裡面係咁污糟,咁唔乾淨。