最怕…. 最討厭… 大家一睇標題, 應該就知道我想講乜啦! 唔知大家覺得最怕, 最討厭o既事情係乜呢? 一直以o黎都以為自己係屬於o個隻乜都無所謂, 求求其其, 是是但但o既人, 但係原來有時自己都會…… 而其中我最討厭o既事情就係 – 等位. 即係食飯要等位o個隻, 唔知點解, 我覺得我比錢出o黎食飯, 你仲要我等成幾粒鐘先食得你一頭半個鐘, 我最鬼憎. 有時仲要係我先到, 但係遲o黎o既人可以先入去; book o左位, 準時到達, 以為可以唔駛等,…
歡迎嚟到我嘅主場
Month: April 2007
影帝 – 劉青雲 第26屆香港電影金像獎頒獎禮終於完滿結束! 估唔到大熱o既發哥同城城會輸o左. 由劉青雲奪得影帝殊榮. 不過, 呢三套戲我都無睇過, 都唔知邊個o既演技會出色o的. 當然啦, 發哥係公認好戲之人, 佢o既演技不容置疑, 如果唔係, 佢又點可以做到荷里活巨星呢? 係咪先!! 而城城早前亦憑父子係台灣蟬聯金馬影帝, 我諗佢o既演技都有一定水準, 因為可以做到蟬聯, 唔係咁多人可以. 反而劉青雲我覺得佢o既演技一早已經達到爐火純青o既地步, 而家終於獲得肯定, 我都好開心. 從早期o既 <聽不到的說話>…
日期 : 12/April/2007地點 : 楊屋道街市室內運動場賽果 : 41:42 (PISA vs ???) 上星期迎來第四場o既比賽對手, 今次唔知道對手叫乜o野名, 皆因對手件波衫無印到隊名上去. 今次比賽, 差唔多所有隊員都到齊, 真係無乜幾可!! 今場o既對手, 身高同年齡, 都同我o地差唔多, 賽前都估計會有一番龍爭虎鬥. 唔知係咪因為有個球証遲到, 所以搞到場比賽, 推遲o左成十五分鐘有多先開始, 亦唔知係咪因為熱身多o左, 球員手感變得好好,…
個星期終於”的”起心肝, 拎個 subwoofer 去樂聞維修, 而係早幾日樂聞職員電話通知已經維修完成, 只要放低六百五十蚊, 即刻可以拎返屋企. 今日星期六一早過去車返個 subwoofer, 返屋企當然第一時間插返好晒o的線, 即刻拿拿臨拎套戲o黎睇, 試下先啦. 原來無o左 subwoofer 真係相差好多, 好遠, 而家o既感覺真係實在好多好多. 不過有一點暫時仲未可以求證到, 就係我拎去維修前, 我仲可以用到個 remote, 但係今日就無反應! 唯有等我問到朋友借佢個 remote o黎試試先至知係邊樣o野壞o左.…
撞車四個月之後, 終於到o左上庭o既日子 – 4月3日, 星期二, 早上九點半到達荃灣裁判處. 今日終於解決o左呢件煩惱事, 而家只係欠墊底費, 只要比埋保險呢筆數, 咁就叫做 close file. 今日一早九點十五分就到達o左荃灣, 入去第二法庭時, 見到o的公公婆婆, 全部坐晒係第一行, o個時覺得好奇怪, 搞乜鬼佢o地坐咁前呀? 我自己就當然坐係旁聽席啦! 因為都唔知可以坐係邊! 係開庭前一刻, 法庭人員係度讀名, 叫o的人跟住一個接一個去坐係第一行, 又估唔到班公公婆婆都係其中一份子, 佢o地原來唔係o黎聽審o架!…