遊船河? 喂, 乜你識游水咩? 你都會去玩海上活動o既咩 哈哈… 係呀, 我唔識游水o架!! 但係我以前去泰國時又玩過香蕉船, 水上電單車喎!! 唔係一定要識游水先可以玩o架嘛, 我有著救生衣, 何況有咁多人係度, 點都搵到一個半個o黎救我o既, 嘻嘻~~~ 今次公司搞船河真係煩, 點解咁講? 首先係預定出發前一日, 居然掛九號風球, 搞到要押後出發, 到o左第二次出發前一日, 又係狂風暴雨, 諗住又要押後, 點知船家話如果唔係掛風球, 無得取消, 照出發, 前一日都仲落雨落到死, […]
Month: September 2008
近排睇o左好多棟篤笑, 繼之前推介過o既林海峰- 踎低噴飯之後, 今次睇o左另外三套o既棟篤笑. 分別有黃子華o既兒童不宜; 森美o既 The Show Must Go Wrong; 林海峰o既求其大合唱. 三個人, 分別有唔同o既表演手法. 當中最令我喜歡o既係林海峰, 佢真係好得, 腦筋真係轉得好快, 好多時都會爆下肚, 臨場執生又夠快, 有時觀眾比佢寸o左都唔知, 佢會令到在場人仕個個都咁開心. 佢講o既好多時都係生活方面o既事, 令你好有共鳴.