墨子攻略、墨攻. 一個係套戲未上影之前o既暫名, 另一個係正式上影o既戲名. 估唔到變成兩個字之後, 個感覺會唔同晒, 即時好有氣勢呢套戲係拍攝o既時候, 我已經話會去睇, 終於今日同 Victo 去o左觀塘 apm 睇. 除o左因為有劉德華主演之外, 我諗另一個原因係個戲名吸引我! 你睇我一開首就介紹戲名, 就知我好喜歡啦! 唔好問有乜咁吸引, 我都唔知, 總之就係喜歡!
成套戲其實都算 OK, o的場景, 特技, 動作武打, 故事方面, 都係中上水準. 不過稍嫌係革離同逸悅o既愛情方面著墨唔夠深, 亦估唔到逸悅係會.. 近年劉德華o既戲同歌, 都有好多哲理, 好有意思, 係要你用心去體會, 細味! 之前好似有大隻佬, 而呢套都係咁…. 墨家思想!
好喜歡電影中一句對白, 大概意思係咁. 呢個世界有對與錯, 但係好多時, 你明知係對o既, 你都未必會去做! 反映到現實o既無奈! 而墨家思想o既兼愛, 係電影中就反駁為, 應該要懂愛! 唔知大家有無諗過箇中道理? 而家睇電影, 真係要慢慢去感受電影當中o既涵意.
講下 apm 戲院, 真係幾好. 座位寛敞, 斜度又夠, 完全唔會擔心比人遮住, 座椅背又夠高, 可以承托埋個頭, 成套戲睇完, 都無唔舒服o既感覺, 大家下次可以去 apm feel 下!
P.S. 係度多謝老婆安排o左今晚呢個咁好o既節目, 好開心!!