日期 : 2/Feb/2007
地點 : 青衣室內運動場
賽果 : 39:35 (PISA vs BigMan)
相隔o左一個月之後, 我o地終於打第二場比賽. 今日o既對手係 BigMan 隊, 唔知係咪個隊名o既關係, 個個球員都好高大, 真係唔知而家o既後生仔, 點解發育得咁好….. 有o的羨慕添, 其實我都唔係貪心吖, 多兩吋就夠o架啦, 可惜, 發育期一早過o左! 講返比賽, 今晚真係贏得好險, 最後一分鐘先定勝負. 其實成場波都係 lead 住對方o黎打, 只係第三節有段時間係比對手追過頭, 其餘時間都係我o地控制住比賽. 今晚對球証o既執法真係有所保留, 好多應吹o既波都無吹, 唔應吹o既就走去吹o左, 同時球証對三秒同走步o既態度特別嚴, 好多時兩隊都係咁而失去控球權!
而今晚自己o既表現, 可以用一個字o既形容 – 屎. 一開波已經射o左兩球大針波, 係大力過頭o個隻… 好差!! 唔知係咪咁而影響自己之後o既表現, 賽後聽返 Sol 講, 好多時有空位我都無第一時間射波, 反而係做假動作之後帶橫一步射球, 完全無o左自己o既節奏, 所以好多時球都會偏離籃框!
今晚除o左自己表現差之後, 其他射手隊友都發揮唔到水準, 所以真係辛苦晒兩位默默咁係籃底同人搶籃板球o既隊友 – Ken 和 Simon . 其實今場比賽o既幕後大功臣係 Homer, 佢係落場之後, 即刻帶動到全隊o既攻守, 亦係因為佢係第四節o既表現, 我o地先可以贏到今場比賽. 希望下一場, 自已同其他隊友可以發揮到正常水準, 唔駛佢o地兩個咁辛苦啦!
今場o既表現係: 得分 – 4, 籃板 – 5個左右, 助攻 – 2 個左右, 犯規 – 3次
另外, 上面幅圖係送比 Sol, 因為佢即使受傷都o黎捧場, 希望佢可以早日康復啦!!