年初一啦, 係度同大家講聲新年快樂! 大家最緊要身體健康, 因為有o左健康o既身體, 咁先可以努力工作, 咁樣先會步步高升, 財源廣進. 擁有健康o既身體, 咁先可以同屋企人, 朋友去呢度食, 去o個度玩, 一家人, 一班人咁先開心o架嘛.
大家今年o既新年又會點過呢? 會做o的乜呢? 去旅行? 四圍去拜年? 係屋企抖? 點都好啦, 最緊要自己過得滿意.
今年唔可以派利是, 唯有係度同大家講返聲唔好意思. 上年剛剛結婚o既朋友們, 記得準備定利是啦, 今年會有好多人o黎抖你o地o既利是o架! 未結婚o既朋友, 你o地識得點做啦?
未結婚o既朋友, 今年就快快拉埋天窗, 出年派利是啦! 而單身o既, 梗係同你講返句, 今年可以搵到個合心水o既伴啦…..
好啦, 去行花市啦… 去行下大運! 祈求新一年, 有好o既開始, 亦希望可以今年實踐到自己o既願望!
圖片取材自 www.sigure.tw