大佬，剪頭髮有乜好講！咪就咁行入去同人講剪髮囉，有乜特別。 無錯，原來其實就係咁簡單。之前睇 FB，啲人話好驚去剪頭髮，因為外國人根本唔明你哋想點剪，佢哋都係用返自己外國呢套嘅剪髮方式，即係有啲類似 QB 嘅髮型一號、二號，剪完頭髮出嚟嘅人真係一式一樣。 其實自己一早都想去剪，但見到咁多 FB 負評，本身都有啲郩底。加埋平時出街又唔係話太唔方便，所以一直拖拖拖。對上一次剪髮已經係一月中嘅事，即係已經兩個多月無剪，平時都係一個月就去剪，保持清爽造型，而家咁鬼長真係幾煩。。突然的起心肝去剪髮，都係因為我心愛嘅籃球緣故。事緣 2 星期前打波時已經成日要撥頭髮，打打下又塌晒落嚟，好唔舒服。上星期再打時已經噴多咗定型噴霧，亦用多咗髮泥做固定，但係都係唔太得，搞到好樣衰。就係因為為咗打籃球可以專心啲，我第二日就去咗屋企附近間理髮店 Barbershop。 講樣我留意到嘅事畀大家知。呢度真係好多 Barbershop 㗎，真係總有一間喺左近。我住嘅呢度條街已經有 3、4 間，真係有咁多人日日都要剪髮嘅咩？我都睇過，平均價錢 £14 。我見過最平係 £13，最貴 £18，但大部份都係 […]
今年回顧應該要回顧啲乜呢？ 真係諗爆頭，點解？不如你同我講，今年你覺得自己有冇發生過乜嘢大事需要回顧呢？ 諗唔到呢！ 今年自己其實真係覺得過得好快，感覺好似剛剛過完新年無耐，而家話咁快又已經到咗年尾，究竟呢一年做過啲乜呢？ 今年同上年差唔多，一樣無得去旅行；一樣無得除罩；一樣無得通關…….. 不過有啲嘢係多咗，就係要用安心出行，嘟入食肆，政府地方……. 有多就會有少，少咗蘋果日報，年尾仲少埋立場新聞，其實仲有好多團體都消失咗。 社會上有好多變化，但呢啲改變有人接受到，有人接受唔到，一樣米養百樣人，多元化嘅社會，當然會有唔同嘅聲音、意見。 當然自己個人唔多唔少都有啲嘢變咗或者將會改變。 變咗嘅有 (回顧) 歲數，大咗一歲，哈哈哈 公司搬咗 office，搬咗去一個更大更舒適嘅環境 終於打咗 BioTech BNO Visa 批咗，可以走佬去英國 將會變嘅有
去旅行，首要當計劃去邊度啦！然後訂機票，再跟手就係計劃行程。 以前就會去旅行社買機票連酒店套票，而家就係上網 book，skyscanner，agoda，expedia…… 真係方便好多。 以前去到當地國家，大家都會靠旅遊天書，以前可能會行咗好多冤枉路。 而家大家會靠 google，打開個 google map 再跟住嚟行就得啦！ 當然，而家去到當地，打開 google map 係要有上網服務先得。 咁大家會一早喺香港買定？定係去到先搵電訊商買咭？ 各人有各人做法。 以前我去台灣，好多時都會去到當地先做上網登記，後來就喺鴨記買定。 記得好早期鴨記都仲未有上網咭，有都可能比較貴，所以都會去到台灣先申請。 不過當地申請都幾煩，又要登記，又要影印護照，分分鐘搞一張咭上網都要成個鐘。 而家當然唔需要咁耐啦，走去鴨記買，落地插咭入電話就用得。
做乜又買嚿咁嘅嘢返嚟。當然有苦衷啦！我點會無啦啦嘥錢。 事緣屋企個寬頻到期，之前兩個月不停咁周圍搵 Sales 問有無特價，有無優惠，可惜一聽見係村屋就話無。一直搵到師傅上嚟收機，正式斷網。當然我唔會就咁用自己電話 data 啦。因為屋企除咗我同 Mimi 可以繼續上網之外，家中都仲有其他人有上網需求，當然最重要係唔知之後開學會唔會突然又話 Zoom，如果佢哋上唔到網，唔通真係同學校講我哋唔上堂咩！ 仲有就係屋企啲 IPCAM，NAS，Google Home，電視盒都要上網先可以睇到用到。係諗到呢啲情況之下，又未搵到新上網公司之下，唯有搵替代品。 辦法就係用 4G Sim Card 上網，本身有隻幾年前買嘅 4G 隨身 router，但係今日拎出嚟插咭，居然
如果你睇開或者打開籃球，呢個名字絕對唔陌生。佢初加入火箭時我已經好喜歡佢，好關注佢。因為佢籃底嘅腳步功夫，真係可以媲美 Hakeem Abdul Olajuwon。再加上佢開闊嘅眼界，真係做助攻王都得。傳，切，射，籃板樣樣都得，真係不知不覺咁畀佢全面嘅身手吸引。 後來阿根廷贏美國隊，最後拎埋2004年奧運冠軍。當時 Manu Ginobili + Scola 呢對組合，真係令各隊都聞風喪膽。當 Ginobili 都退役，Scola 仍然馳騁於 CBA，而家仍然喺意大利打緊職業賽。 你會話有乜特別？特別在於 Scola 而家已經係一名41歲嘅球員。以佢而家嘅歲數，居然仲可以打職業聯賽，仲可以入選國家隊。入選不特止，佢仲係打正選，場均二十幾三十分鐘嘅出場時間。佢仲可以係隊中嘅得分手，畀球隊一個穩定嘅得分來源。佢仍然係隊中嘅籃板王。 最令我佩服都唔係以上所講嘅嘢。點解我好喜歡佢？ 其實係因為佢嘅籃球態度。佢後生時已經好積極去防守，去搶籃板。其實佢加入 NBA
終於都係要打。等咗咁耐，都係要趕喺佢就嚟無得打前走去打針，無得再拖。 究竟有乜驅使你去打針呀？ 我如果話畀你聽係【愛】，你信唔信？ 咪玩啦，我自己都唔信。 咁做乜無啦啦走去打？ 唉！ 咪就係要返大陸囉。 就嚟成年幾兩年都無返過大陸公司，真係唔敢想像間辦公室會變成點。 另外就係考慮有可能要返去大陸做轉名手續。如果無打針，真係到時開關話要打咗針先可以去，如果無打就要繼續隔離 21 日，咁樣就真係煩。 咁點解又唔打科興？ 我信科學。 暫時數據係講 BioNTech 對抗COVID-19 比較有效，再加上變種病毒都有抵抗能力，反而科興就…… 另一原因係由於多數西方國家都認證 BioNTech，將來要出國旅遊嘅時候，嗰本旅遊疫苗護照都係西方國家認證，咁當然打國際公認嘅疫苗啦！ 好啦！講咗咁耐，上網
咦…? 你之前好似先買咗部 moto one vision plus 喎，搞乜而家又再入手一部 moto 機? 大家心水都好清喎，仲記得我無幾耐之前先入咗一部機嚟做大陸機。 點解而家又入手一部，其實都係用嚟做大陸機，不過呢部係畀老婆用。 咁又點解唔揀返之前嗰部，之前講到嗰部幾好，做乜唔買返呢? 科技嘅嘢，日新月異，今次呢部咁啱近排又做緊特價，加埋佢又用新 CPU，Memory 又多一倍，儲存空間又快啲，最重要頭先講咗，做緊特價嘛，個價同之前嗰部價錢相差兩百蚊左右，無理由買舊款機喎。 不過呢部機有個問題，就係因為呢部係大陸版，所以無 google 嘅 service，需要自己安裝返。但係我又唔喜歡大陸版本身內置嘅預裝軟件，再加埋唔知點解好多人都有投訴所有牌子嘅手提都會有 IM
今日終於試咗新錶位，不過都有少少烏龍嘢發生咗。 其實新咪錶同以前無乜分別，最特別係佢可以遙距入錶，今次終於可以試下。入錶都係揀返邊個泊位，揀泊幾耐，跟住再揀泊八達通定其他繳費方式，最後泊咭就完成。當然，你要先去下載入錶易呢個 APP ( Android 下載: https://play.google.com/store/apps/details?id=hktd.flowbirdapp.com&hl=zh_HK&gl=US ). 安裝完就打開個 APP，Scan 錶位個 QR Code，咁佢就會顯示而家你個泊位資料，錶位位置，泊車餘下時間，仲會提前十分鐘提一提你就嚟夠鐘，咁就唔驚會過時啦! 泊好車，入咗錶，咁就好安心去行街街，食飯飯。食飯尾段，就嚟夠鐘，諗住用個 APP 去遙距入錶，搞咗一大輪，居然唔得。 點解呀!! 搞乜鬼呀!! 頂，原來係要泊車時唔可以用八達通繳費，一定要用其他方式繳費先可以用到遙距入錶。 夠鐘入錶，唯有死死氣去入錶，今次我揀咗用
入伙到而家用咗六年嘅風扇燈終於都要退落嚟。一年前已經開始壞壞哋，成日都會整壞啲燈膽，風扇速度又調較唔到，仲要發出勁大嘅嘈音。忍受咗一輪，諗住今年續租時如果要搬先換，但係估唔到業主肯唔加咁多租，咁就唯有繼續住喺呢度啦！咁繼續住就要諗下換咗把風扇燈。 上淘寶搵咗輪，諗住搵把可以收埋扇葉嘅，但係睇極都覺得醜怪。又再搵下而家用緊咁上下嘅款，原來都已經唔興呢啲款。而家興 LED 圓罩款，搵咗一輪，終於搵咗把合眼緣，口碑都唔差嘅款式。睇介紹，LED 燈盤可以獨立更換，又可以語音操控，摩打嘅聲音好靜。當然，呢啲係佢哋嘅產品介紹啫。要再睇下啲用家口碑，口碑大部份都叫 OK。咁。。。。好啦，咁啱有特價，落 order。 好快貨就到咗。今晚比較得閒，拿拿臨拆咗部舊風扇燈落嚟先。拆風扇都用咗成半個鐘有多，原來都咁鬼難拆。好，搞掂就裝新風扇燈。打開說明書，再跟住嚟組裝，首先接駁個遙控器，再裝個底盤上天花。弊，大鑊，個底盤嘅螺絲位同之前個天花螺絲位唔啱，咁點算。。 諗下諗下，去工具箱搵到個鑽嘴，度好位，跟手喺個底盤度鑽個窿，咁就可以裝上天花。大約前後用咗一個鐘，裝埋扇葉，LED 燈盤，終於搞掂。 好緊張，開燈儀式。一，二，三，OK，燈著，風扇轉動，大功告成。又真係幾靚，幾靜，風又大，燈都好光亮喎，不錯!
一年，已經過去了一年。我總會在不同媒體見到你的出現，總比較誰人很像你，誰人的鬥志跟你很像，誰的得分方式跟你一樣百變，彷彿你就在這個世上，從沒離開過一樣。 關於你的籃球大小事，都被各媒體重新報導，使一個籃球迷可以重新去認識你的籃球生活，籃球態度。你的人生有高低起跌，就像普通人一樣。但你憑著打籃球所展現出來的堅毅不屈態度一一去面對，去解決。當然你的家人(隊友)也支持亦很重要。 今天是你逝世一週年，不停出現關於懷念你的新聞，video，證明還有很多人懷念你。還記得一年前聽到你飛機失事死亡的消息，整個人都不能接受，不停找不同渠道新聞來看，要證明是否假消息。當大大小小消息證實之後，整個人都茫然了，甚至一度流淚，接受不了。全日精神都不好，一想到你的突然離去，就不其然又再流下淚來。亞女都有問過點解爸爸會喊，mimi都有話未見過我這樣，就算自己媽媽走的時候都不會這樣。我那時才知，原來突如其來發生的事會殺人一個措手不及，會突然直入心裡，震撼到整個人，真的會令人接受不了。 你的籃球生涯這般成功，剛退休應該享受人生，享受家庭生活，理應在商業上繼續展現你的黑曼巴精神，去闖出一片新天地。Gigi 亦應該在這個年紀繼續去追尋籃球夢，去繼承你的黑曼巴精神，創造出一片屬於她的籃球天地，她就是你的傳承。 Kobe，你和 Gigi 在天國生活怎樣？有去找張伯倫挑戰嗎？有去找 Drazen Petrovic 挑戰嗎？應該還有好多人等你去挑戰他們，你的生活應該會繼續好精彩。 祝你同 Gigi 在天國繼續開開心心，快快樂樂咁生活，繼續享受你們最愛的籃球。 R.I.P.