大家喺香港都知道 HSBC 同恆生櫃員機可以互通，即係你只要拎住 HSBC 或者恆生提款卡/信用咭就可以免手續費喺呢兩間銀行屬下嘅提款機拎錢。 而中國銀行，渣打，或者其他銀行則可以透過銀通標貼嘅櫃員機免手續費拎錢。當然你話，唓！我喜歡畀錢用 HSBC 喺銀通櫃員機拎錢唔得咩？可以，當然可以啦！你大把錢嘅話，你鍾意點都得啦！但係我哋呢啲平民百姓，邊有咁多錢可以浪費呢？所以嚟到呢度，如果你係以上所講大把錢嘥嘅人，你可以先行離開，呢個 topic 根本唔關你事。 大家都知道去外國櫃員機拎錢要畀手續費，所以大家去旅行前都盡可能喺香港先兌換晒啲錢先過去。因為大家都唔想每次拎錢時要畀手續費嘛，慳得就慳。點解講呢個 topic？事緣有日我帶過嚟嘅現金都洗晒，咁要去搵櫃員機啦！好彩當日喺大街，有間 HSBC 可以畀我拎錢。但係 HSBC 其實喺英國唔係咁多分店，咁唔通每次我都要返去呢度拎錢？ 不過要拎錢嘅機會應該唔多，因為英國呢度好多，應該話大部分都可以用 card 去付款，選擇都好多，可以用 contactless […]