而家先有時間去寫2013大事回顧. 2013年實在太忙, 太忙了.
2013年3月, 跟小學同學相聚, 感覺大家變得不一樣. 記憶還停留在小學時. 希望2014年可以再次相聚.
2013年3月, 亞囡開始要刷牙了…
2013年5月, 巨鴨到港, 作為香港人, 當然要同埋一家大細去影下相啦.
2013年5月, 亞囡參加咗大力士BB比賽, 過程相當緊張刺激, 而亞囡都好抵讚, 佢拎咗分組冠軍… 啜啜啜!!
2013年5月, 亞囡原來喜歡打籃球, 將來會唔會籃球女將呢?
2013年5月, 兌現咗2012年的承諾, 就係買咗份禮物比自己, 一個hTC ONE 手機, 真係勁喜歡, 勁鐘意.
2013年5月, 公司開展咗另一個新方向, 就係推行伺服器24×7支援. 希望各方好友支持支持.
2013年6月, 第一次同亞囡出國, 今次去咗新加坡. 真係多謝姨婆婆一家同埋婆婆幫手湊亞囡. 2014年又會唔會同亞囡去旅行呢?
2013年6月, 公司搞咗個澳門為食之旅, 去完新加坡, 第二日即出發, 可惜亞囡病咗, 無得同我哋去澳門…..
2013年8月, 同老豆返咗中山擺咗個大壽, 亞囡第一次回鄉拜祖先…
2013年10月, 公司十五周年聚會, 大家都很盡情暢飲, 忘卻工作上的煩惱. 希望公司繼續有第二個, 第三個, 第四個十五年.
2013年11月, 重拾籃球衫, 又再與昔日戰友共同作戰? 2014會唔會再有機會?
2013年11月, 亞囡兩歲生日了… 祝亞囡健健康康, 生活開心快樂!
2013年都過得好充實, 無論家庭, 工作, 都係有好多新衝擊. 希望所有的衝擊都係正面, 可以係2014年會見到好的結果. 我始終相信, 凡事都會有好結果, 只要你肯去嘗試, 去努力. 2014年新年, 亞囡就會回歸, 正式進駐, 希望亞囡唔會唔慣, 我都要習慣屋企又多一個人. 另一種新生活將於2014年展開, 好期待. 工作上, 就當然希望新業務可以好好向前, 為公司賺多啲錢, 而我就可以加多D人工.