今場比賽地點改為青衣長發體育館, 開賽時間係晚上九點正. 今場團長同埋Bobo都有o黎睇, 嘩, 真係天大o既面子, 可以請到兩位過o黎睇比賽. 多謝多謝.
今場面對o既對手, 賽前估計實力應該都係同我o地半斤八両, 有力一戰. 今場其實都無乜特別, 球來球往, 我o地都係一路贏住對手10分以內, 但係去到第三節中段, 對手開始o黎料, 不停有開肘動作, 推人, 甚至係一o的粗野o既攔截, 當然我o地唔會就咁算啦, 而當中出名惹火o既球員率先發難, 跟對方互有動作, 而球證亦開始注意雙方. 或者呢個亦係一個心理戰術, 就係咁, 令到對方開始失去理智, 只見佢o地不停咁剷籃, 不停咁向內線衝, 搞到佢o地被吹罰幾次進攻規犯. 而最後我o地當然係贏o左啦!!
今場自己表現一般啦, 都係集中力唔夠, 都出現o左幾次 turnover, 下場真係要集中o的. 不過今場之後又比Sol話我唔夠殺氣, 要我加強力量喎!! 諗諗~~~
得分: 3
籃板: 4
圖片取材自 www.cbssports.com