終於打到入 playoff, 而 8 月份就打了第一場, 大家都好開心, 今年終於打入季後賽. 第一場對手之前我o地係常規賽已經碰過, 所以大家都知道大家o既戰術, 所以一開場就打得比較緊湊. 今場由於人數方面又再出現不足, 亞Roy因為身體要休養, 我諗佢餘下賽事都應該參加唔到, 希望佢老人家好好休息下, 等來季一齊再參戰. 而高佬基又剛剛做完手術, 所以又再高掛免戰牌. 而亞雄咁啱又做咗視力激光矯正手術, 所以暫時唔可以發生激烈o既肢體碰撞, 又一個逃離戰場….
就係咁, 教練就向外再次招手, 今次招來兩個後生仔, 希望可以加快節奏, 令到我o地呢隊老人軍可以充滿多少少活力. 今次對手年紀都叫同我o地差唔多, 個個都係打陣地戰. 一開場, 大家都穩打穩紮, 一路都將比分緊咬. 直至半場過後, 對方終於搵到方法攻破我o地, 由於新外援同我o地都未夾過, 所以亦出現多次 turnover, 而對方亦抓緊呢o的機會而一舉拋離. 直到完場前幾分鐘, 我o地都有力可以一搏反擊, 但可惜為時已晚, 最終都係輸了…
呢場比賽已經係最有希望可以取勝, 下兩場比賽o既對手實力係更加強橫, 希望到時可以打出爭氣波, 再加上少少運氣, 可以贏到比賽啦!!
圖片取材自 www.diabetes.co.uk