七月份有兩個好朋友生日, 佢o地分別係 Jacky 同埋 Kenneth. 係度梗係講聲恭喜啦! 希望你o地兩個步步高陞, 身體健康!
我o地為o左佢o地係元朗 neway 開o左個小型 party, 當日有 Amy, Vanessa, Victo, Emily, 亞吉, Solomon, BoBo, 當然仲有我出席啦. 當日因為我要返大陸工作, 所以遲o左到. 去到o既時候, 通常都係飲酒, 唔知幾時開始, 唱 k 係變o左樣, 次次去唱都係劈酒, 都唔係唱 k, 反而o的女仔就係度唱 k, 無理到班男人做乜.
去到係 mid-night, 大家就o黎一個切蛋糕o既儀式, Victo 同埋 Emily 去o左買一個 Jacky 喜歡食o既蛋糕 , 諗住滿足佢o既慾望, 點知, 因為條友仔講得唔清唔楚, 攪到買錯o左, 真係o徙o左我o地一番心意, 好彩, 呢個蛋糕都好好味… 當然除o左食蛋糕 之外, 佢o地仲特別加插o左一幕扣人心弦o既接吻節目比我o地, 無錯, 係佢o地當衆接吻, 情深一吻… 嘩嘩嘩………..
本來都係飲下啤酒, 大家玩下, 唱下歌, 但係無啦啦有人發起飲芝華仕加綠茶, 唔飲由自可, 一飲就弊傢伙, 個個唔知係咪飲得 high 得滯, 又唱又跳又叫, 跟住仲乾飲芝華仕, 攪到個個都 wing o左. 不過好開心, 因為當晚我o地見到好多有趣o既事.
好似當晚見到 sol, 佢一飲醉酒就會發牢騷, 又會好污糟, 記得佢一路食雞翼尖, 一路吐返出o黎, 情景真係好核突… 哈哈….
而主角之一o既 Jacky, 佢一有少少 high 就會不自覺咁去四周錫人, 奇就奇怪佢只係錫男, 唔錫女, 莫非佢係 gay o既?
而 bobo 就有另一個特別舉動, 佢次次一醉就會瞓到隻豬咁!
玩到差唔多二點幾左右, 大家都已經醉了, 就係咁, 大家就各自返屋企, 完成了一夜瘋狂!!
想重溫當晚o既盛況, 去 回憶集 睇睇啦.
圖片取材自 www.motherdistracted.co.uk