又到電腦時間, 今日教大家o既係米高梳乎(Microsoft) Windows 上網點解會變慢呢? 其實近排有好多客戶打o黎問o左一個問題, 好彩自己有經驗先可以幫佢o地解決. 事緣係咁o既~~~~~
近日覺得上網唔知點解會突然間慢o左? 初時以為去大陸網站慢係正常, 後來又發覺連外國網站都係咁慢, 莫非係 ISP 公司出o左問題? 但係無理由係屋企定公司都係咁, 問o左o的同事, 佢o地又唔覺慢喎…. 而且再諗下, 無理由連本地網站都咁慢! 又再諗下, 唔通係我 bt 緊, 所以慢, 但係暫停o左 bt 之後, 情況都係咁! 諗o黎諗去都唔明點解, 突然間, 咦, 唔通中毒? 咁就用防毒軟件去掃下啦, 但係最後都係話無事, 改用人手去檢查一下 registry, 睇下係咪中o左木馬, 但係又無發現喎!? 真係令人苦惱.
唔通係 Windows 用得耐o左, 安裝/刪除軟件多得滯, 拖慢o左部機? 無理由吖~~ 個 Windows 都係裝o左三個月, 無理由突然間上網會慢成咁~~ 當然, 電腦人我就不停咁去 call 返o的 Memory 返o黎, 之前究竟做o左乜, 突然間會慢o左呢? 諗呀諗呀, 終於諗起我之前做o左 Windows Update, 之後上網就好似慢o左. 當然立即去睇下近排 Microsoft 有o的乜鬼更新呢? 終於………
原來近日 Microsoft 又再更新o左 tcpip.sys 呢個檔案o既安全性問題, 就係呢個更新檔, 令到上網速度慢o左. 其實之前, 如果大家有安裝 Windows Service Pack 2 / 3 的話, 其實都會感到上網係變慢o左, 原因就係 Micosoft 做o左手腳, 係 tcpip.sys 呢個檔案裡面限制o左 network card o既速度, 唔比 network card 有過大o既流量. 點解要咁做? 其實就係怕大家萬一中毒, 都唔會搞到部電腦發出過大o既 packet 去干擾網絡o既速度, 咁就可以減低網絡癱瘓o既可能性.
不過相對o黎講, 由於 Microsoft set 得太嚴格啦, 所以搞到部電腦上網好似牛龜咁慢. 雖則係好事, 但係我個人o黎講真係忍受唔到, 所以就搵返之前下載o左o既 patch, 呢個 patch 就係去破解返 tcpip.sys o既限制, 等電腦上網速度可以提升. Yeah~~ 掂呀, 上網真係快返啦.. 哈哈哈!!
大家如果覺得有需要, 咁就可以按以下地址下載.
只限 Windows XP SP2/SP3使用:
P.S. 1. 記得修改o既數目限制唔好過大, recommend 係 256.
P.S. 2. 安裝過程中會問你拎 Windows o既安裝 CD, 你只要揀取消就得o架啦, 安裝完成後, 記得 reboot 呀!!
如需使用在 Vista 的, 請下載以下檔案.
只限 Vista SP1 或以上使用
由於 Vista 的破解相當繁複, 請先閱讀附件內的 Readme, 然後再執行破解!
以上附件只供測試用途, 一切後果, 本網站一概不會受理和負責.