去旅行，首要當計劃去邊度啦！然後訂機票，再跟手就係計劃行程。 以前就會去旅行社買機票連酒店套票，而家就係上網 book，skyscanner，agoda，expedia…… 真係方便好多。 以前去到當地國家，大家都會靠旅遊天書，以前可能會行咗好多冤枉路。 而家大家會靠 google，打開個 google map 再跟住嚟行就得啦！
當然，而家去到當地，打開 google map 係要有上網服務先得。 咁大家會一早喺香港買定？定係去到先搵電訊商買咭？ 各人有各人做法。 以前我去台灣，好多時都會去到當地先做上網登記，後來就喺鴨記買定。 記得好早期鴨記都仲未有上網咭，有都可能比較貴，所以都會去到台灣先申請。 不過當地申請都幾煩，又要登記，又要影印護照，分分鐘搞一張咭上網都要成個鐘。 而家當然唔需要咁耐啦，走去鴨記買，落地插咭入電話就用得。
今次去英國，我都去咗鴨記睇睇，見到 3 有張電話上網咭，都係HK$200 左右，有80GB data，睇落都好似幾好。 不過上網見到 giffgaff 呢個電訊商，可以用其他人介紹嘅 link 嚟申請電話咭，咁就可以有多 5 鎊送畀我。而且佢有月費 plan，又有 pay as you go plan，任君選擇，睇落唔錯，加埋見到佢係屬於 O2 旗下公司，唔知點解對 O2 有莫名嘅好感，所以就走去試下申請。 由申請到收咭，大約 2 星期左右時間，對於而家疫情嘅情況，都叫幾快。
大家有興趣申請，可以用以下連結，咁就我哋大家都會有回贈。
(我已經轉台去了 VOXI，大家如果已經到咗埗又想轉去 VOXI，可以用以下嘅 referral link 去申請)
（Sorry，我又轉咗台啦！今次轉咗去 Lebara！大家可以用我嘅referral link 申請或者去 uSwitch search 下就搵到好多優惠）
但如果你想喺香港先申請咗 giffgaff，咁你可以去網上 search 下，一定搵到其他 giffgaff referral link。記住，你申請咗 giffgaff 後要跟以下步驟去啟動張咭，如果唔係就無咗 £5 㗎啦！
https://www.giffgaff.com/orders/affiliate/skyer46
先講啟動張咭嘅方法，其實都好簡單。 收到咭，打開 giffgaff 啟動網頁 ( giffgaff.com/activate )，填返你個 activation code，跟手打返自己嘅資料，email address，password，咁就完成 create account。 跟住就係要先 top-up 張咭。記住，唔好去選用任何 plan。先選 pay as you go plan，先 top-up 10 鎊，咁樣你就可以收到 5 鎊嘅回贈。
Top-up 完成就會見到有 15 鎊喺戶口，跟住你就可以繼續用呢 15 鎊去買月費 plan ( giffgaff 叫月費 plan 做 goodybags ) 或者。 同埋之後你先會見到系統分配咗一個電話號碼畀你。 你呢個電話號碼如果唔太鍾意，你係可以更改，但係每個 account 只可以更改 2 次，2 次過後你都唔喜歡，你就要再申請一張咭同開新 account 啦。
除咗呢個電話號碼可以更改之外，其實系統亦會自動分配咗一個 membername 畀你。 呢個 membername 都係可以更改，但係只可以更改一次。
好啦！ 講咗咁多，暫時我都無乜嘢可以再講，下次再講應該係講張咭嘅速度同接收能力。 究竟個網絡速度快唔快，接收係咪周圍都好好，呢個要等我去咗英國先知，我會再之後寫返出嚟。
VOXI referral link : Join VOXI
講下用 VOXI 有乜著數先，大家用我條 link 去申請 VOXI，只要你揀嘅月費 plan 係 £10 以上，咁交咗 2 個月月費之後，你同我都會有 £10 Amazon gift card，係咪好著數 (詳細資料可參考網站: https://voxi.co.uk/friends)。
而且 VOXI 本身用 Vodafone 網絡，英國全國接收一定無問題。 去埋歐洲其他地方都仲得。
再加上 VOXI 本身個 plan 真係幾好，佢差不多所有 social media 流量 (facebook, instagram, twitter……) 都唔計入你個 plan，咁你啲 data 就會好用好多。如果你用 £15 或以上嘅 plan, 連 Netflix，Youtube 嘅流量都唔計添呀！ 仲唔去申請？ (月費 Plan: https://voxi.co.uk/plans)
VOXI 都始終貴，雖然可以無限任用social media，聽歌又唔計流量，但一個月真係用唔晒 70GB 咁多。而家好多台都做緊特價，例如我而家轉咗去用嘅 Lebara，20GB 一個月，頭 6 個月只需 £3.18，其後只變返 £7.95，加埋佢用 Vodafone 網絡，同埋佢有 100 分鐘免費國際通話，以為就咁？ 少年，你太年青啦，Lebara 仲包埋你免費喺歐洲使用 data，係咪真係好抵用呢。 有興趣嘅朋友就自己去以下網站睇睇。
Referral Link: http://aklam.io/9S17LV
講真，今次 referral 優惠無咁正，其實自己去 uSwitch 申請仲好啲。
封面圖片取材自 www.designweek.co.uk