今日星期六, 而今朝十點幾左右我就起o左身, 呢個係一個好正常o既起身時間, 但係其實我今朝六點左右先去… 所以我只係訓o左三個幾鐘!! 點解會咁早訓
? 係因為同朋友吹水, 聊天.
好耐都未試過同朋友傾計傾! 點解大家又會咁好興緻? 真係唔知道啦! 只係知道大家係旺角劈完一輪, 大家都已經醉醉o地o既時候, 就係搭的士回家o既中途, 大家討論緊一o的問題, 而大家就話搵個地方繼續, 係商討之後, 大家就話o黎我屋企…..
好彩, 屋企平時都叫有存貨, 有啤酒, 有 vodka, 有紅酒….. 當然唔少得有佐酒小食啦!!! 就係咁, 大家係我屋企一路傾一路飲, 不知不覺就咁樣到o左六點鐘了!!
成晚話題, 都係圍繞我o既兩位好朋友. 經過一晚之後, 我好似加深o左對佢o地o既認識, 了解!
朋友, 無論點都好, 我都希望你可以解到你o既結!!
朋友, 無論點都好, 我都希望你可以搵到你所想o既!
圖片取材自 hlj.sina.com.cn