今年回顧應該要回顧啲乜呢？ 真係諗爆頭，點解？不如你同我講，今年你覺得自己有冇發生過乜嘢大事需要回顧呢？ 諗唔到呢！ 今年自己其實真係覺得過得好快，感覺好似剛剛過完新年無耐，而家話咁快又已經到咗年尾，究竟呢一年做過啲乜呢？ 今年同上年差唔多，一樣無得去旅行；一樣無得除罩；一樣無得通關…….. 不過有啲嘢係多咗，就係要用安心出行，嘟入食肆，政府地方……. 有多就會有少，少咗蘋果日報，年尾仲少埋立場新聞，其實仲有好多團體都消失咗。 社會上有好多變化，但呢啲改變有人接受到，有人接受唔到，一樣米養百樣人，多元化嘅社會，當然會有唔同嘅聲音、意見。 當然自己個人唔多唔少都有啲嘢變咗或者將會改變。 變咗嘅有 (回顧) 歲數，大咗一歲，哈哈哈 公司搬咗 office，搬咗去一個更大更舒適嘅環境 終於打咗 BioTech BNO Visa 批咗，可以走佬去英國 將會變嘅有 […]
Month: December 2021
去旅行，首要當計劃去邊度啦！然後訂機票，再跟手就係計劃行程。 以前就會去旅行社買機票連酒店套票，而家就係上網 book，skyscanner，agoda，expedia…… 真係方便好多。 以前去到當地國家，大家都會靠旅遊天書，以前可能會行咗好多冤枉路。 而家大家會靠 google，打開個 google map 再跟住嚟行就得啦！ 當然，而家去到當地，打開 google map 係要有上網服務先得。 咁大家會一早喺香港買定？定係去到先搵電訊商買咭？ 各人有各人做法。 以前我去台灣，好多時都會去到當地先做上網登記，後來就喺鴨記買定。 記得好早期鴨記都仲未有上網咭，有都可能比較貴，所以都會去到台灣先申請。 不過當地申請都幾煩，又要登記，又要影印護照，分分鐘搞一張咭上網都要成個鐘。 而家當然唔需要咁耐啦，走去鴨記買，落地插咭入電話就用得。