Skip to content

Category: 周遊列國

英國 giffgaff 電話咭

去旅行,首要當然要計劃去邊度啦!然後訂機票,再跟手就係計劃行程。 以前就會去旅行社買機票連酒店套票,而家就係上網 book,skyscanner,agoda,expedia…… 真係方便好多。 以前去到當地國家,大家都會靠旅遊天書,以前可能會行咗好多冤枉路。 而家大家會靠 google,打開個 google map 再跟住嚟行就得啦! 當然,而家去到當地,打開 google map 係要有上網服務先得。 咁大家會一早喺香港買定?定係去到先搵電訊商買咭? 各人有各人做法。 以前我去台灣,好多時都會去到當地先做上網登記,後來就喺鴨記買定。 記得好早期鴨記都仲未有上網咭,有都可能比較貴,所以都會去到台灣先申請。 不過當地申請都幾煩,又要登記,又要影印護照,分分鐘搞一張咭上網都要成個鐘。 而家當然唔需要咁耐啦,走去鴨記買,落地插咭入電話就用得。 今次去英國,我都去咗鴨記睇睇,見到 3 有張電話上網咭,都係HK$200 左右,有80GB data,睇落都好似幾好。…

2020 沖繩突假遊 (總結篇)

今次旅行, 真係心驚膽跳.  驚嘅唔係肺炎, 驚嘅係去唔到要取消, 驚嘅係要重新計劃過晒啲行程, 驚嘅係申請唔到國際牌, 驚嘅係…….. 實在太多嘢!!  好彩, 最後都順利出發, 亦可以照原定計劃去晒咁多景點.   臨上機前幾日, 都上網做足功課, 睇晒應該要注意乜嘢.  喺飛機艙入面盡量就唔好食飛機餐, 唔好飲機上嘅飲品, 亦唔好亂咁摸.  我哋仲將放係櫈下面嘅背囊用膠袋封好.   掂過乜嘢都好, 都用酒精消毒液搓手先.  不過我哋就無好似其他人咁戴護目鏡, 其實諗諗下都最好戴埋.  有啲人仲提議要著埋一次性雨褸, 一落機就可以除低丟咗去.  咁就可以確保裡面件唔會沾到細菌. …

2020 沖繩突假遊 (預備篇)

今次突假遊真係嚟得好突然…  由於武漢肺炎, 搞到香港全城瘋搶口罩, 瘋搶厠紙, 瘋搶…….  亦都搞到香港不少公司破例畀員工 home office, 銀行仲將某啲鈼行暫停營業.  個個市民都唔願出街, 唔願外出食飯, 引致好多食肆都結業.  而政府亦呼籲市民避免去人多嘅地方, 而學校都係一個人多嘅地方, 所以教育局亦宣佈所有中小學停課, 停到2月17日.  就係咁, 我哋聽從政府呼籲, 避免去人流多嘅地方, 所以我哋決定離開香港, 去一個比較少人嘅地方 – 沖繩. 就係因為呢個武漢肺炎, 搞到我哋連新年都無街去,…

2019 沖繩復活遊 (總結篇)

由計劃咗去沖繩開始, 上網 check 機票, 上網睇下 blog, 睇下租車幾錢, 去睇下酒店.  呢啲必然動作當然要做啦!  不過…. 唔係安排呢個行程, 我係安排緊上年 12 月去台北嘅行程.  今個行程和上年聖誕台北行其實喺上年九月已經定咗, 所以首先係去搞掂咗聖誕嘅台北行先啦.  沖繩之旅感覺可以慢慢先再 plan (買機票除外).   機票 一收到亞囡嘅上學期校曆表, 即刻安排旅行.  既然安排好, 就當然係去訂機票啦.  唔知乜鬼事咁好彩,…

2019 沖繩復活遊 (外母篇)

今次係第二次同外母去旅行, 之前一次就係去新加坡, 不過嗰次就全程做團友, 乜嘢都有八姨打點, 專心去食玩瞓.  但今次由於係我做領隊, 外母又唔係太行得耐, 所以行程上都會編排得比較 hea (其實不嬲自己一家去都係 hea).    從外母話一齊去旅行之後, 就開始 plan 行程, 搵酒店, 務求今次旅行唔好要外母覺得辛苦, 要輕輕鬆鬆. 衣  理想: 上網睇過, 四月份天氣大約都係 21 –…

2018 宜蘭台北聖誕行 – 預備行程篇

唔知幾時開始,一年三次旅行變得好理所當然咁,復活節,暑假,聖誕節。 而今次旅行,一早係半年前已經買咗機票,訂埋酒店,不過行程就未 plan。 行程一拖就拖咗幾個月都未著手去做,搞到十二月中先叫完成咗。 由於公司有啲事情,無乜心機去度行程,上網搵下有乜觀工廠,DIY可以畀班小朋友做下,有公園畀佢哋走下就算。 加埋宜蘭真係好多觀光工廠,所以都好快可以整理到行程表。 其實準備行程表真係有技巧,首先將景點和食店列晒出嚟,佢哋嘅位置、營業時間,整理好晒之後就去 Google map 度睇下路線,行車時間,根據自己喜好再安排成個行程。我哋兩大兩小,行動力比較緩慢,加上晏起身,所以一日兩個景點就夠了。宜蘭好多觀光工廠,文化館都係叫下午五點左右,所以計劃行程時一定要將景點集中附近,千祈唔好東一個,西一個咁走嚟走去。 而家畀大家參考一下今次我哋嘅行程先  24-Dec-2018 06:30 機場 Check in 08:30 飛台北啦 10:15 話咁快到咗台北了 11:15 格上租車公司取車 12:15 開車去宜蘭 13:45…

2018 – 大阪消暑遊總結 Part 4

經過大半年嘅籌劃,經過 11 日嘅旅程,終於完滿結束。有開心,有歡笑,有疲累,有辛苦。但係經過呢 11 日,之前嘅努力,之前所費嘅精神,都係值得嘅。因為見到你哋報以全程笑容,真係抵返晒。 今次旅程真係幾豐富,可能某啲人會覺得我哋太 hea,一日一景點,有時先一日兩景點,會話我哋浪費。不過當你有大有細嘅時候,真係唔可以將行程編得太緊。當你一日一景點,你先會發現到當地更多特別嘅嘢,平時走馬看花嘅人睇唔到嘅嘢。真心講,為咗自己,為咗小朋友,為咗老人家,去旅行啫,為求洗滌身心,去旅行都係為咗想放鬆啫,做乜要趕嚟趕去呢? 點解唔可以慢慢享受一下呢? hea 啲,唔好為咗去睇晒所有景點而去,唔好為咗打卡而去。 當然,屋企人嘅配合都好重要,你想 hea,但屋企人係另一種性格,咁就要大家傾掂數先啦!好慶幸,另一半仲 hea 過我,所以我哋 hea 遊家庭對 hea 遊完全無問題。而 mimi 雖然係行程 planning 上無乜幫過手,但佢跟足行程表節目而執拾亞囡們嘅衣著服飾,仲要事前去買定啲日式浴衣畀亞囡佢哋,喺佢悉心嘅安排之下,真係不得不讚賞一下。唔係佢,都影唔到咁多靚相。最頭痛係要執拾亞囡們嘅衫, 日用品, 藥物, 奶粉等等嘅事情,…

2018 – 大阪消暑遊總結 Part 3

日本,都仍然係嗰個日本,啲人都算 nice,街道仍然咁乾淨,列車仍然係咁準時,房間仍然係咁細,嘢食仍然係咁好食,藥妝仍然係有咁多嘢買,Lawson 仍然周街有, Family Mart 仍然成行成市,自動售賣機多到離譜,周街都係有咁多可愛嘅日本娃娃,仲有好多都無變。 變嘅係列車站頭職員識講普通話,列車售票處職員識講普通話,有專接待外國遊客嘅的士,店舖都有識講普通話嘅職員,通街都係講普通話嘅旅客,店舖接受支付寶,wechat pay 都唔接受 Google pay。 大阪,有現代化嘅高樓大廈,又有古舊嘅日本房屋,仲有世界文化遺產嘅建築物,寺廟,真係新舊交融嘅地方。 大阪,值得再去,因為我都仲有好多地方未去,心齋橋,黑門市場,通天閣,神戶outlet,真係數都有排數,數到斷氣都未數完。呢啲未去嘅景點,就唯有留返下次再去啦。 大阪,真係適合一家大細去嘅地方,所有景點都可以搭 JR 或者地鐵就去到。食嘢又方便咗,因為好多餐廳都有提供中英文 Menu。食物口味又適合大小朋友,壽司魚生唔在講,有飯有麵,仲有燒烤,中西日,總有一樣啱你食。

2018 – 大阪消暑遊總結 part 2

Book 酒店?,不停睇 agoda, Expedia, Asiayo, trivago 網站做比較。Book 門票?,不停睇 klook, kkday, 睇下點先拎到優惠買嘢有折扣。Book 機票,不停睇 skyscanner, CX, Hong Kong Airline 網站做比較。行程參考,不停睇唔同類型嘅 blog,吸取知識,景點,吃喝玩樂資訊。路線參考,不停喺 Google Map 上左去去,右去去,睇下邊個景點去邊個景點最近,唔會走回頭路。 好似好簡單,但當你睇咗幾十個甚至百幾個 blog 之後,你就會好想嘔?。直頭好似已經去咗一次旅行咁。好似今次咁,計過最好買大阪周遊咭,兩日劵可以免費去玩好多設施,咁就要計劃邊兩日去邊度,點可以用盡周遊咭嘅著數。…

2018 – 大阪消暑遊總結 part 1

十幾年之後,繼去北海道之後再次踏足日本??,本身都唔係抗拒去日本??嘅人,何解又咁耐先去呢??? 今次去大阪,都籌備咗大半年,上年年尾已經開始留意有無特價機票,終於喺今年新年 book 到比較抵嘅機票。每次睇機票網頁我都會話咁鬼貴?,去台灣都可以去幾次。。。初初由5千幾張機票睇到而家2千幾,邊個話早買機票會平啲㗎?? Book 好機票,當然著手搞行程啦!今次 mimi 話佢負責行程?,我當堂“放心晒”,終於唔駛我去 plan 啦,好嘢! 但係過咗幾日,我都係唔放心,做人都係要有 plan B 先得。我就上網睇定啲資料,景點,上 google 搜尋路線距離位置,睇埋啲鐵路線??,究竟點去先著數,用乜嘢票先慳啲。仲要去睇埋民宿,酒店。去 book 景點門票,火車票。。。唔好睇小 plan 行程呢啲嘢,做落係好煩,用好多時間。加埋年頭嘅時候我已經要 plan 兩個行程,一個台灣,一個日本。當然,我會著緊 plan 台灣行程先啦!去完台灣返嚟隨即再繼續 plan…