朋友今日要返去蘇格蘭啦!佢哋一早已經心儀要去食韓國任食燒烤放題,無理由唔陪佢哋去㗎嘛!好,即刻出發。 由於朋友今日去完街街就會返蘇格蘭,又要揸成七八個鐘車,好辛苦。避免佢咁辛苦,今日就早啲出去食韓烤,即係早啲食 lunch囉!十一點未到就到咗位於 New Malden 嘅 K-Town BBQ。由於附近無乜時租泊車位,所以大家記得去附近 The Malden Center 嘅停車場泊好車,再行 10 mins 左右就到 K-Town BBQ。呢度食放題小朋友真係幾抵,想知有幾抵就一陣睇下面幅圖。不過其實大人個價錢 (£29) 都好抵食,唯一就係只限食 1.5 […]

嚟咗呢度無耐,本地朋友都唔識得多個。好彩我哋都仲有啲香港朋友過咗嚟呢度。今日就有一個家庭趁住小朋友放 Term Break,即刻話落嚟南部探我哋,順便約我哋一家人去倫敦玩。 做乜會話朋友落南部?你朋友唔係住附近嘅咩? 係,我哋呢邊本身有兩個朋友住附近,但呢個家庭朋友本身係住 【 蘇 格 蘭 】( 好遠呀! ),佢哋嚟咗蘇格蘭差唔多有一年,終於搵到藉口落嚟倫敦玩,今次齊齊去闖蕩一下。 由蘇格蘭落嚟,差唔多用咗成七八個鐘,諗起都覺得攰爆。朋友一家大細拎住行李,我都有諗過佢哋應該搭火車定自己揸車,最後都係自己揸車方便啲。因為計過數,搭火車嘅話,嚟到南部出去玩都係要用車,我架車都車唔到咁多人,如果call uber又貴,呢度租車又貴,坐火車嚟倫敦又係要用七個鐘,仲要唔係點到點到門口,咁鬼煩,不如揸車嚟好過啦。 朋友到埗都已經六點,當然要同佢哋醫肚先啦。第一晚就同佢哋食港式炒粉麵做晚餐。原來蘇格蘭嘅茶餐廳價錢居然比我哋呢邊貴,而且唔算好食。朋友見我 post 相出嚟話好食,又講到明想試下,咁就要同佢哋去食返餐啦!等佢哋回味一下香港嘛!呢間其實唔係一間港式茶餐廳,佢應該係一間集越泰港於一身嘅食店。佢隱身於 Sutton High Street

有朋自遠方來Read More »

LoLo 生日快樂 2014

妹,呢個係亞哥陪緊蘇菲玩泥膠時整出嚟嘅,估唔到蘇菲認到係企鵝。 咁我就送佢比你,祝你生日快樂!

九月之星

原來九月份係尊貴會入面最多會員生日o既月份, 所以為o左隆重其事, 尊貴會今年就搞o左個九月之星生日自助餐聚會.  但可惜, 其中一位壽星女唔得閒, 所以人腳唔齊, 可惜, 可惜!!! 當晚假座於佐敦彌敦道222號恆豐酒店2樓紅煙窗餐廳為九月之星慶祝,  希望九月之星滿意今次尊貴會o既安排.   今次自助餐聚會係尊貴會第一次舉辦, 原來都有好多會員喜歡食, 下次可以搵另一處再食!!  我o地晚上七時半左右到齊, 一路有傾有講, 仲有笑添…   好快, 時間就o黎到晚上九點半, 到慶祝時間, 一個極之精緻而好味道o既蛋糕出場啦..  即刻為當晚掀起高潮, 但勢估唔到, Miss Ma

九月之星Read More »

好事齊來

近來接二連三都收到好消息, 將我身邊所有煩惱事都一掃而空.  好消息當然是喜事啦!  雖然要破費(人情), 但係都是值得開心的事, 無計啦!  人生有幾多個朋友呢…..  Right? 接下來差不多每半年就有一個朋友結婚, 總共三單, 每單都要做兄弟, 我想我完成了這三個朋友的兄弟後, 應該都可以退役, 做兄弟, 真是挺辛苦喔! 做兄弟這一種事, 之前都有經歷過, 其實來來去去都是差不多, 沒甚創意, 有許些悶.  這次忽發奇想, 不如來個大變身!!  哈哈, 估不到我講了出來之後,反應異常熱烈, 大家都齊叫好! 究竟是什麼?  其實就係伴郎團會來一個大變身,

好事齊來Read More »

其實網站都開張了一個月有多, 大家唔好誤會, 呢個網站唔係我o架, 係朋友開o既, 同我o地熟o既朋友都應該知道係邊個, 我唔知道佢比唔比公開身份, 所以係度叫佢做 A 小姐啦.. A 小姐因為某種緣故, 無啦啦抽起條根話要搞網上購物, 咁作為佢身邊o既朋友, 當然義不容辭咁幫手啦, 由搵購物網站軟件到登記Domain, 再到建立網站, 修改網站等技術性問題, 一一搞掂.  而 Victo 就負責網站顏色,

A-Kidz 網站開張Read More »

尊貴會 BBQ

早排 Skyers 尊貴會繼晚飯之後, 又搞o左個 BBQ 比班會員參與.  今次好高興得到各位會員o既踴躍參加, 亦多謝 BoBo 借出場地同埋負責食物安排, 仲有當然要多謝Tony 哥負責食物之餘, 佢仲係酷熱o既天氣下負責燒o野食比我o地啦, 真係辛苦晒兩位大廚.   先講下o的o野食, 真係無得頂, 有义燒, 有煙肉帶子, 煙肉腸仔, 雞全翼, 雞中翼,

尊貴會 BBQRead More »

細細個已經成日聽到o的人咁講, 年紀大, 機器壞.  以前只係覺得幾得意, 幾押韻.  估唔到呢段o野又真係講得好o岩.  人就好似o的機器咁, 日日不停咁郁動, 不停咁做運行, 當運行得咁上下時間, 點都會有o的毛病會出現.  好似o的廣告咁講, 門較開得多, 郁得多, 都會鬆, 所以要食乜乜乜.  人都一樣, 郁得多, 長時間無休息, 身體各處都會有勞損.  無休息, 身體又點會可以修復受損部位呢? 好似自己咁, 膝頭都已經受損, 打親波都會痛, 而家仲要戴埋護膝, 好好咁保護自己.  多年o黎身體各處都發生過問題,

年紀大, 機器壞Read More »