其實網站都開張了一個月有多, 大家唔好誤會, 呢個網站唔係我o架, 係朋友開o既, 同我o地熟o既朋友都應該知道係邊個, 我唔知道佢比唔比公開身份, 所以係度叫佢做 A 小姐啦.. 
A 小姐因為某種緣故, 無啦啦抽起條根話要搞網上購物, 咁作為佢身邊o既朋友, 當然義不容辭咁幫手啦, 由搵購物網站軟件到登記Domain, 再到建立網站, 修改網站等技術性問題, 一一搞掂. 而 Victo 就負責網站顏色, 測試等工作, A 小姐當然有份做其他o野啦 – 追工作進度…. 哈哈哈!! 最後係上個月網站終於順利誕生.
呢個網站主要賣細路仔衫, 飾物等等, 全部由韓國入口, 韓國製造. 大家如果有需要買o的細路仔衫比朋友, 或者係自用, 歡迎o黎以下網址選購, 當然, 你都可以幫下手向朋友宣傳一下…
A-Kidz 網址
http://www.a-kidz.com
朋友, 係度祝你生意興隆, 財源滾滾來!!
p.s. 唔好話唔夠朋友呀, 係自己個 blog 都幫你賣廣告呀!! 仲要送埋網站入伙禮物比你, 我諗我都算唔話得了… (嘻嘻, 自己讚自己)