Skip to content

Category: 運動

O2 HomeSpot LTE Router

做乜又買嚿咁嘅嘢返嚟。當然有苦衷啦!我點會無啦啦嘥錢。 事緣屋企個寬頻到期,之前兩個月不停咁周圍搵 Sales 問有無特價,有無優惠,可惜一聽見係村屋就話無。一直搵到師傅上嚟收機,正式斷網。當然我唔會就咁用自己電話 data 啦。因為屋企除咗我同 Mimi 可以繼續上網之外,家中都仲有其他人有上網需求,當然最重要係唔知之後開學會唔會突然又話 Zoom,如果佢哋上唔到網,唔通真係同學校講我哋唔上堂咩! 仲有就係屋企啲 IPCAM,NAS,Google Home,電視盒都要上網先可以睇到用到。係諗到呢啲情況之下,又未搵到新上網公司之下,唯有搵替代品。 辦法就係用 4G Sim Card 上網,本身有隻幾年前買嘅 4G 隨身 router,但係今日拎出嚟插咭,居然 Sim Card 糟唔識 lock 實張咭,我試過按實張咭,但係系統又話…

Luis Alberto Scola

如果你睇開或者打開籃球,呢個名字絕對唔陌生。佢初加入火箭時我已經好喜歡佢,好關注佢。因為佢籃底嘅腳步功夫,真係可以媲美 Hakeem Abdul Olajuwon。再加上佢開闊嘅眼界,真係做助攻王都得。傳,切,射,籃板樣樣都得,真係不知不覺咁畀佢全面嘅身手吸引。 後來阿根廷贏美國隊,最後拎埋2004年奧運冠軍。當時 Manu Ginobili + Scola 呢對組合,真係令各隊都聞風喪膽。當 Ginobili 都退役,Scola 仍然馳騁於 CBA,而家仍然喺意大利打緊職業賽。 你會話有乜特別?特別在於 Scola 而家已經係一名41歲嘅球員。以佢而家嘅歲數,居然仲可以打職業聯賽,仲可以入選國家隊。入選不特止,佢仲係打正選,場均二十幾三十分鐘嘅出場時間。佢仲可以係隊中嘅得分手,畀球隊一個穩定嘅得分來源。佢仍然係隊中嘅籃板王。 最令我佩服都唔係以上所講嘅嘢。點解我好喜歡佢? 其實係因為佢嘅籃球態度。佢後生時已經好積極去防守,去搶籃板。其實佢加入 NBA 時已經 27 歲,對 NBA 嚟講都已經係中齡球員,但係佢仍然好勤力咁去補位,防守,搶籃板。…

給 Kobe Bryant 的

一年,已經過去了一年。我總會在不同媒體見到你的出現,總比較誰人很像你,誰人的鬥志跟你很像,誰的得分方式跟你一樣百變,彷彿你就在這個世上,從沒離開過一樣。 關於你的籃球大小事,都被各媒體重新報導,使一個籃球迷可以重新去認識你的籃球生活,籃球態度。你的人生有高低起跌,就像普通人一樣。但你憑著打籃球所展現出來的堅毅不屈態度一一去面對,去解決。當然你的家人(隊友)也支持亦很重要。 今天是你逝世一週年,不停出現關於懷念你的新聞,video,證明還有很多人懷念你。還記得一年前聽到你飛機失事死亡的消息,整個人都不能接受,不停找不同渠道新聞來看,要證明是否假消息。當大大小小消息證實之後,整個人都茫然了,甚至一度流淚,接受不了。全日精神都不好,一想到你的突然離去,就不其然又再流下淚來。亞女都有問過點解爸爸會喊,mimi都有話未見過我這樣,就算自己媽媽走的時候都不會這樣。我那時才知,原來突如其來發生的事會殺人一個措手不及,會突然直入心裡,震撼到整個人,真的會令人接受不了。 你的籃球生涯這般成功,剛退休應該享受人生,享受家庭生活,理應在商業上繼續展現你的黑曼巴精神,去闖出一片新天地。Gigi 亦應該在這個年紀繼續去追尋籃球夢,去繼承你的黑曼巴精神,創造出一片屬於她的籃球天地,她就是你的傳承。 Kobe,你和 Gigi 在天國生活怎樣?有去找張伯倫挑戰嗎?有去找 Drazen Petrovic 挑戰嗎?應該還有好多人等你去挑戰他們,你的生活應該會繼續好精彩。 祝你同 Gigi 在天國繼續開開心心,快快樂樂咁生活,繼續享受你們最愛的籃球。 R.I.P.

人生第一個10K

人生第一個10K 今日真係無諗過跑10K,原本諗住有時間,跑返5-6K就返歸沖涼接亞女放學,但係由開始跑到中段5K左右都覺得對腳仲有力,可以繼續去,咁就可繼續跑,跑到8K,雖然已經慢咗落嚟,但係都叫仲有啲力,未腳仔軟,所以又繼續跑。最後2K真係好難跑,感覺係用意志去撐住。只差2K就去到10K,對腳又唔係真係覺得咁攰,無理由唔繼續落去,試一試10K。終於不停咁同自己講,得嘅情況下完成咗,真係覺得攰爆。時間雖然唔係好,但係總算係個人一個突破。成績係唔重要嘅!!繼續練習,繼續突破。

致敬 黑曼巴

男人的浪漫係乜?食豆腐火腩飯?唔係,對我來說,今日係由開場睇到完場,見證一個時代的終結,見證這個球員永不言敗,永不放棄的精神,最後一場比賽,個人獨得60分,亦以一己之力,幫助球隊贏得比賽。那份對籃球的執著,對勝利的執著,打從心底裡佩服,佩服。除了佐敦之外,這個人真的是令我感到敬佩。誰?這個人就是 Kobe Bryant. 黑曼巴。 圖片取材自 theanalyst.com & lakers.com

2010 荃灣區籃球比賽

估唔到2009季後賽都未打完, 新一屆的常規賽已經靜靜開始.  九月份第一場比賽, 就係新球季開始.  而呢個新球季, 我o地有一個好開始, 講得係好開始, 當然係贏波啦. 雖然今仗我無落場打, 但係我都有到球場替球隊打氣.  呢場比賽原本都想落場, 但係真係身體頂唔住, 所以最後都忍住唔落場.   經過上場夾一夾, 大家都比較知道點配合, 所以今仗大家都打得唔錯.  加埋對手真係有o的弱, 一開始已經領先對手, 壓住對手o黎打, 大家心理上已經佔優.  另外就係教練今仗特別強調快攻, 一搶到籃板就攻, 箭頭一馬當先衝向敵陣, 頻頻上籃得分, 又搏到犯規, 大家打順景波真係好o的. 另一個主要原因係o個兩個後生仔o既加入, 真係將節奏加快o左, 大家好多時都唔需要諗, 快攻,…

荃灣區籃球比賽 – 季後賽第一場

終於打到入 playoff, 而 8 月份就打了第一場,  大家都好開心, 今年終於打入季後賽.  第一場對手之前我o地係常規賽已經碰過, 所以大家都知道大家o既戰術, 所以一開場就打得比較緊湊.  今場由於人數方面又再出現不足, 亞Roy因為身體要休養, 我諗佢餘下賽事都應該參加唔到, 希望佢老人家好好休息下, 等來季一齊再參戰.  而高佬基又剛剛做完手術, 所以又再高掛免戰牌.  而亞雄咁啱又做咗視力激光矯正手術, 所以暫時唔可以發生激烈o既肢體碰撞, 又一個逃離戰場…. 就係咁, 教練就向外再次招手, 今次招來兩個後生仔, 希望可以加快節奏, 令到我o地呢隊老人軍可以充滿多少少活力.  今次對手年紀都叫同我o地差唔多, 個個都係打陣地戰.  一開場, 大家都穩打穩紮, 一路都將比分緊咬.  直至半場過後, 對方終於搵到方法攻破我o地, 由於新外援同我o地都未夾過,…

四年一度世界盃

四年一度嘅世界盃又嚟啦….  今年主辦國係南非.  大家知唔知係南非主辦世界盃有乜特別?  唔知?  唔緊要, 講比你知, 就係大多數球場都座落係高原地帶, 有六座咁多o架, 而最高嘅球場係位於約翰內斯堡, 有成一千七百米高.  咁高原作賽有乜問題?  問題就係高原地區空氣比較稀薄, 球員會比較容易累, 抽筋, 嚴重者仲會感覺呼吸困難, 所以好多國家球隊都特別提早去高原地方作特別訓練.  而對球員另一個問題係….  高原地帶空氣較平地稀薄, 足球飛行的速度也會增加, 球員會好難捉摸球路. 以往幾屆世界盃, 大多數都係零晨賽事, 大家都要捱更抵夜, 然後第二朝成隻熊貓眼咁返工; 日韓世盃就好啲, 但係有好多賽事都係下午, 搞到個個 “蛇王” 去睇波.  今屆就真係 perfect time, 頭場七點半, 第二場十點, 第三場就零晨兩點半.  睇完尾場都仲有時間抖一抖先返工.  …