估唔到2009季後賽都未打完, 新一屆的常規賽已經靜靜開始. 九月份第一場比賽, 就係新球季開始. 而呢個新球季, 我o地有一個好開始, 講得係好開始, 當然係贏波啦.
雖然今仗我無落場打, 但係我都有到球場替球隊打氣. 呢場比賽原本都想落場, 但係真係身體頂唔住, 所以最後都忍住唔落場. 經過上場夾一夾, 大家都比較知道點配合, 所以今仗大家都打得唔錯. 加埋對手真係有o的弱, 一開始已經領先對手, 壓住對手o黎打, 大家心理上已經佔優. 另外就係教練今仗特別強調快攻, 一搶到籃板就攻, 箭頭一馬當先衝向敵陣, 頻頻上籃得分, 又搏到犯規, 大家打順景波真係好o的.
另一個主要原因係o個兩個後生仔o既加入, 真係將節奏加快o左, 大家好多時都唔需要諗, 快攻, 箭頭一定係前面. 節奏明快, 目標明確, 戰術湊效, 再加上對手係新仔, 一時間比我o地打快攻打到暈, 就係咁, 我o地就取得今季開門紅.
希望下場都可以延續今場o既氣勢, 一路贏落去啦!
圖片取材自 cyclones.com