終於打到入 playoff, 而 8 月份就打了第一場, 大家都好開心, 今年終於打入季後賽. 第一場對手之前我o地係常規賽已經碰過, 所以大家都知道大家o既戰術, 所以一開場就打得比較緊湊. 今場由於人數方面又再出現不足, 亞Roy因為身體要休養, 我諗佢餘下賽事都應該參加唔到, 希望佢老人家好好休息下, 等來季一齊再參戰. 而高佬基又剛剛做完手術, 所以又再高掛免戰牌. 而亞雄咁啱又做咗視力激光矯正手術, 所以暫時唔可以發生激烈o既肢體碰撞, 又一個逃離戰場…. 就係咁, 教練就向外再次招手, 今次招來兩個後生仔, 希望可以加快節奏, 令到我o地呢隊老人軍可以充滿多少少活力. 今次對手年紀都叫同我o地差唔多, 個個都係打陣地戰. 一開場, 大家都穩打穩紮, 一路都將比分緊咬. 直至半場過後, 對方終於搵到方法攻破我o地, 由於新外援同我o地都未夾過,…
四年一度嘅世界盃又嚟啦…. 今年主辦國係南非. 大家知唔知係南非主辦世界盃有乜特別? 唔知? 唔緊要, 講比你知, 就係大多數球場都座落係高原地帶, 有六座咁多o架, 而最高嘅球場係位於約翰內斯堡, 有成一千七百米高. 咁高原作賽有乜問題? 問題就係高原地區空氣比較稀薄, 球員會比較容易累, 抽筋, 嚴重者仲會感覺呼吸困難, 所以好多國家球隊都特別提早去高原地方作特別訓練. 而對球員另一個問題係…. 高原地帶空氣較平地稀薄, 足球飛行的速度也會增加, 球員會好難捉摸球路. 以往幾屆世界盃, 大多數都係零晨賽事, 大家都要捱更抵夜, 然後第二朝成隻熊貓眼咁返工; 日韓世盃就好啲, 但係有好多賽事都係下午, 搞到個個 “蛇王” 去睇波. 今屆就真係 perfect time, 頭場七點半, 第二場十點, 第三場就零晨兩點半. 睇完尾場都仲有時間抖一抖先返工. …
今場係常規賽最後一場比賽, 地點係青衣室內體育館, 時間係晚上十點. 今場未開波前, 見到甲一籃球賽事係A場進行中, 由愉園 vs 超敏. 甲一即係甲一, 無論球員身高, 力量, 速度, 真係高好多班, 來回進攻防守, 不用五秒, 真係速度超快. 睇o左一輪, 就返去 B 場做我o既賽前熱身. 今場由於係最後一場常規賽, 教練就安排之前幾場比較少落場o既 Danny & William 出多o的場. 今場比賽對手原本應該係第一場o既對手, 可惜第一場因為球證關係,…
一星期一次的比賽, 感覺很充實, 但另一方面, 就是代表很快打完這個比賽. 今場比賽地點移師青衣市政大廈室內場, 時間係晚上十點. 今場比賽有幾個球員未能出席, 有 Danny, 亞雄, 亞基. 無o左高佬中鋒, 我o地又變返矮個陣容. 今場一開始, 大家已經進入作戰狀態, 比上場一開始發夢形成一個對比, 一開始, 大家不停走動, 不停傳波, 第一節結束領先對手 2 分. 可惜第二節, 第三節前半段, 大家又犯老毛病, 集中力下降(或者係體力下降), 咁就比對手領先達六分之多. 好彩, 亞 Roy…
五月二十五日迎來第五場比賽, 地點一樣係和宜合道體育館, 時間係晚上九點. 今場對手我們都有看過他們的比賽, 所以對對手都略知一二. 賽前都提醒了大家, 要守住對方 5 號和 99 號, 兩名球員都是射手, 不能給出對手空位. 而底線球員方面, 就係15 號, 左右底線開弓, 但通常第一下動作都是假裝的, 然後再闖入籃底射波. 雖然一開始都知道對手有什麼板斧, 但是一開場就給對手打了 8:0, 教練立刻叫了暫停, 重新部署. 何解有一個 8:0 的 RUN? 最大原因係大家都夢遊球場, 單單打了幾分鐘,…
今場比賽地點又再返到和宜合道室內場, 比賽時間又安排係晚上十點, 打完都成十一點幾, 返到屋企真係攰死人. 今場比賽我o地得到一個前甲組球員(阿基)相助, 雖然技術, 衝勁已經大不如前, 但係佢有與生俱來o既本錢, 就係身高, 呢樣o野已經幫助球隊好多好多. 佢o既加入, 完全可以係防守方面改善球隊一路以來o既弱點, 俾到對手一份震懾力. 而對我o地球隊o既射手o黎講, 係一種定心丸, 我o地可以有足夠時間睇定先出手, 就算唔入, 都覺得佢可以搶到進攻籃板. 就係咁, 一開波, 我o地已經一路領先對手, 而由於阿基o既加入, 令到隊中o既射手 Sol 大顯身手, 全場共射入四個三分波. 根據對手過往o既比賽, 佢o地主要集中射三分球, 而今場我o地o既防守真係封殺晒佢o地o既強項,…
今場比賽地點改為青衣長發體育館, 開賽時間係晚上九點正. 今場團長同埋Bobo都有o黎睇, 嘩, 真係天大o既面子, 可以請到兩位過o黎睇比賽. 多謝多謝. 今場面對o既對手, 賽前估計實力應該都係同我o地半斤八両, 有力一戰. 今場其實都無乜特別, 球來球往, 我o地都係一路贏住對手10分以內, 但係去到第三節中段, 對手開始o黎料, 不停有開肘動作, 推人, 甚至係一o的粗野o既攔截, 當然我o地唔會就咁算啦, 而當中出名惹火o既球員率先發難, 跟對方互有動作, 而球證亦開始注意雙方. 或者呢個亦係一個心理戰術, 就係咁, 令到對方開始失去理智, 只見佢o地不停咁剷籃, 不停咁向內線衝, 搞到佢o地被吹罰幾次進攻規犯. 而最後我o地當然係贏o左啦!! …
第二場比賽係晚上十點進行, 地點同樣係和宜合道室內運動場舉行. 今場比賽之前, 原本諗住放工後去荃灣食o野, 然後行一陣街, 之後再慢慢去球場. 不過諗下諗下, 橫掂去開荃灣, 不如去一去 Data Center, 幫個客部 Server set 返少少o野先. 點知一去到, 見到部server 死o左火牛, 連 hard disk 都死o左隻, 好彩佢係行 mirror, 所以得返一隻都無問題, 可以繼續行. 就係咁, 原本諗住5分鐘可以走得去食飯, 點知搞下搞下,…
今年再次報名參加荃灣區籃球賽, 今年人腳比上次差不多, 希望今年可以打得好一點. 目標? 哈哈… 唔好包尾就得了!! 其實我好易滿足o架咋… 第一場比賽, 四月一日晚上八時開始, 而家年青一輩真係高, 速度又快, 彈跳又好, 真係有用不完的體力, 對比起呢班後生仔, 我呢啲三張幾的叔叔, 真係唔夠佢哋走!! 不過, 老鬼當然有老鬼嘅打法, 就係…… 防守啦, 靠多年累積的經驗, 知道應該什麼時候去補位, 應該知道什麼位置對自己有利. 最重要唔好同佢哋鬥快, 要打出自己的節奏. 一開始我們大比分落後 – 七比零, 好在站穩陣腳後, 逐漸逐漸將比分追上, 終於係第一節前, 我哋反超對手,…
2008 年 8 月 24 日係奧運o既閉幕禮, 正式代表北京奧運圓滿結束. 下屆倫敦奧運就要等到 2012 年, 大家先可以再次投入奧運熱潮. 今屆北京奧運真係辦得有聲有色, 絕對估唔到中國可以比到咁大o既驚喜比全世界. 由開幕禮一刻開始, 全世界都已經注視中國, 究竟中國可以將奧運辦成點? 經過北京奧委會o既努力, 各界人仕o既協助, 今屆奧運真係可以講話, Perfect. 今屆奧運, 大家都應該會成日諗返個開幕禮, 因為實在太精彩, 各項表演, 再加煙花, 令人目不暇給. 最令我興奮o既係電腦特技做出o黎o既 29 隻巨腳. 如果唔係翌日報紙講話係電腦特技,…
