Skip to content

四年一度世界盃

四年一度嘅世界盃又嚟啦….  今年主辦國係南非.  大家知唔知係南非主辦世界盃有乜特別?  唔知?  唔緊要, 講比你知, 就係大多數球場都座落係高原地帶, 有六座咁多o架, 而最高嘅球場係位於約翰內斯堡, 有成一千七百米高.  咁高原作賽有乜問題?  問題就係高原地區空氣比較稀薄, 球員會比較容易累, 抽筋, 嚴重者仲會感覺呼吸困難, 所以好多國家球隊都特別提早去高原地方作特別訓練.  而對球員另一個問題係….  高原地帶空氣較平地稀薄, 足球飛行的速度也會增加, 球員會好難捉摸球路.

以往幾屆世界盃, 大多數都係零晨賽事, 大家都要捱更抵夜, 然後第二朝成隻熊貓眼咁返工; 日韓世盃就好啲, 但係有好多賽事都係下午, 搞到個個 “蛇王” 去睇波.  今屆就真係 perfect time, 頭場七點半, 第二場十點, 第三場就零晨兩點半.  睇完尾場都仲有時間抖一抖先返工.  

全城盛事, 我當然都有參與啦.  今次因為朋友關係, 我拎到一場有線電視係九展舉辦嘅大型直播賽事節目嘅入場劵.  與一班足球愛好者一齊睇巴西 vs 葡萄牙.  成班人一齊睇波, 氣氛真係好好, 大家都好投入, 每一個射門, C 朗每次觸球, 觀眾都會歡呼大叫, 不其然令到自己都投入咗, 緊張咗好多.  雖然場波零比零和氣收場, 但係亦無損觀眾興致, 大家都好 enjoy.

今場 show 有一個意外驚喜, 就係我可以近距離見到倫伯呀(我兒時偶像呀!!)…   

Published in運動

Be First to Comment

Leave a Reply