Skip to content

荃灣籃球比賽 7

今場係常規賽最後一場比賽, 地點係青衣室內體育館, 時間係晚上十點.  

今場未開波前, 見到甲一籃球賽事係A場進行中, 由愉園 vs 超敏.  甲一即係甲一, 無論球員身高, 力量, 速度, 真係高好多班, 來回進攻防守, 不用五秒, 真係速度超快.  睇o左一輪, 就返去 B 場做我o既賽前熱身.  今場由於係最後一場常規賽, 教練就安排之前幾場比較少落場o既 Danny & William 出多o的場.

今場比賽對手原本應該係第一場o既對手, 可惜第一場因為球證關係, 所以取消o左而改為今晚.  本身都知道對手球路, 佢o地都係以快打慢, 因為佢o地個個都年青力壯, 平均二十歲左右, 所以我o地決定要拖慢節奏, 唔比佢o地有機會快攻.  上半場都算可以限制對手o既速度, 而且大家係防守方面都加強o左, 半場我o地只以 22:19 落後.  下半場一開始, 對手突然間改打全場緊迫, 搞到我o地方寸大亂, 頻頻出現無謂失誤.  第三節完結, 已經比對手拉開成十幾分差距.  由於之前比對手拉開o左, 第四節點追極都追唔到, 加埋對手突然手感火熱, 連中幾球三分球, 最後我o地輸了~~~

又問我今場表現如何?  呵呵, 除o左罰球好差之外 (真係屎到爆~~), 我真係搏晒條老命.  三分, 兩分, 剷籃, 籃板, 什麼都有.  跌落地都有幾次, 真係人都散.  

得分: 12
籃板: 6

P.S. Sol, 之前成日話我無霸氣, 今場我有無霸氣呢?  我已經剷o左好多球籃啦!  (久違了的剷籃~~~)

圖片取材自 northviewknightsathletics.com

Published in運動

Be First to Comment

Leave a Reply

Your email address will not be published. Required fields are marked *