一星期一次的比賽, 感覺很充實, 但另一方面, 就是代表很快打完這個比賽.
今場比賽地點移師青衣市政大廈室內場, 時間係晚上十點. 今場比賽有幾個球員未能出席, 有 Danny, 亞雄, 亞基. 無o左高佬中鋒, 我o地又變返矮個陣容. 今場一開始, 大家已經進入作戰狀態, 比上場一開始發夢形成一個對比, 一開始, 大家不停走動, 不停傳波, 第一節結束領先對手 2 分. 可惜第二節, 第三節前半段, 大家又犯老毛病, 集中力下降(或者係體力下降), 咁就比對手領先達六分之多. 好彩, 亞 Roy 及時回勇, 三個三分球, 再加隊員們o既努力, 又再把分數拉近, 第四節終反超對手. 今場教練自己都落埋場打, 教練今場有一個 steal 好精彩, 亦係穩住勝局o既因素, 真不得不佩服!!
今場自己表現真係唔多好, 或者自己太注意射三分. 下場真係要改善一下. 走動多D, 傳球多D, 希望可以下場有所提升… 雖然今場表現唔多好, 但係今場都有一球三分進賬. 努力… 加油 (自我催眠中)
得分: 5
籃板: 3
圖片取材自 www.sportingnews.com
Be First to Comment