Skip to content

新一屆籃球賽 – 第一場

今年再次報名參加荃灣區籃球賽, 今年人腳比上次差不多, 希望今年可以打得好一點.  目標?  哈哈…  唔好包尾就得了!!  其實我好易滿足o架咋… 

第一場比賽, 四月一日晚上八時開始, 而家年青一輩真係高, 速度又快, 彈跳又好, 真係有用不完的體力, 對比起呢班後生仔, 我呢啲三張幾的叔叔, 真係唔夠佢哋走!!  不過, 老鬼當然有老鬼嘅打法, 就係……  防守啦, 靠多年累積的經驗, 知道應該什麼時候去補位, 應該知道什麼位置對自己有利.  最重要唔好同佢哋鬥快, 要打出自己的節奏.

一開始我們大比分落後 – 七比零, 好在站穩陣腳後, 逐漸逐漸將比分追上, 終於係第一節前, 我哋反超對手, 可惜, 對手實在有氣有力, 而且其中七號仔實在太好球感了, 很多球都射入, 係第三節完結後, 我們又比對手反超了.  第四節開始, 我們憑住積極的防守, Andy 多番搶下的前場籃板, 我們最終羸下了比賽.

今場比賽, 不知是否太耐沒有打過正式比賽, 始終自己平時打球的節奏和感覺跟比賽時真的不一樣.  體力, 節奏, 防守強度, 心態都有點不同.  今場比賽自己表現得唔太好, 好多應該會入的球都沒有入, 自己得出的結論就係之前所講的那樣, 希望之後的比賽, 可以慢慢調整過來.  

下一場比賽係四月二十九號.  希望到時可以有更好的表現.  

統計:
得分: 8
籃板球: 4

圖片取材自 facility.osa.um.edu.mo

Published in運動

Be First to Comment

Leave a Reply