藍罐曲奇

大家都應該有食過曲奇餅, 大家會食邊隻牌子?  好多人都鍾意食 Jenny Bakery 出品o既曲奇餅; 又有人喜歡食丹麥藍罐曲奇.  唔知大家鍾意食邊隻呢?

記得細細個時每逄過年, 一定收到好多好多o既藍罐曲奇, 而我o個時一定會話, 點解唔送金莎, 曲奇餅一定會轉頭叫亞媽拎去轉送比其他人.  細細個時會諗, 係咪因為藍罐曲奇餅賣得好平, 所以一個二個都送.  以前亦會覺得送曲奇餅係好 cheap.  大家細個時會唔會咁諗呢?

而家大個o左, 有可能真係口味都隨年歲增加而有所改變.  好似以前唔食苦瓜, 唔食魚, 唔食好多o野, 但係唔知幾時開始會食呢o的以前唔食o既o野.  而曲奇餅亦係當中一種, 今日行經超級市場, 突然間好想食, 就買o左一包, 原來真係好好味, 所以而家明白老豆老媽子點解點都要留低一兩罐俾自己食, 其實咪就係佢o地喜歡食囉…..

你o地呢?  又有乜係以前唔食, 而家又會喜歡o左食呢?

Leave a Reply

This site uses Akismet to reduce spam. Learn how your comment data is processed.