Skip to content

黑仔

黑仔, 唔係我收養了一隻狗叫黑仔, 亦唔係我識了一個人叫黑仔, 係我這個月很黑仔.  雖然唔係接二連三有好多黑仔事發生, 但係只需要一單, 已經令我覺得自己好黑仔.

從來都無諗過, 係公司裡, 會比人偷電話, 如果係街比人偷, 搭車自己失魂跌了, 或者自己整壞, 都可以話情有可原!  之但係呢次真係好唔開心.  個手提電話都未用滿一年, 咁就唔見了, 嗚嗚嗚~~~

事緣有一日早上, 我和同事係會議室開會, 大約十點半左右, 有人o黎見工, 咁我o地就離開會議室, 一個半小時後, 求職者離開了, 我o地再入去會議室開會, 直至另一個求職者過來面試, 又再過o左一個半小時, 已經係一點半, 大伙兒話去食飯, 咁我慣性動作去搵我部手機, 銀包, 點知係呢個時候, 居然搵唔到手機, 諗諗諗, 應該係會議室, 今早去開會時, 我拎o左入去.  當然, 係會議室梗係搵唔到啦…..  問晒所有同事, 有無收埋我部電話, 大家都答無, 咁…..  即係求職者偷o左!!  因為整個上午, 都無其他閒雜人等進出過公司.

居然會有人係求職時偷電話, 我真係無諗過.  跟住去o左報警, 但警察都話無符, 因為無證無據, 唔可以憑猜測去斷定係求職者所為.  
今次真係好無奈.  只可以講: 我真係黑仔.

圖片取材自 www.juzimo.com

Published in談天說地

Be First to Comment

Leave a Reply