原來九月份係尊貴會入面最多會員生日o既月份, 所以為o左隆重其事, 尊貴會今年就搞o左個九月之星生日自助餐聚會. 但可惜, 其中一位壽星女唔得閒, 所以人腳唔齊, 可惜, 可惜!!!
當晚假座於佐敦彌敦道222號恆豐酒店2樓紅煙窗餐廳為九月之星慶祝, 希望九月之星滿意今次尊貴會o既安排.
今次自助餐聚會係尊貴會第一次舉辦, 原來都有好多會員喜歡食, 下次可以搵另一處再食!! 我o地晚上七時半左右到齊, 一路有傾有講, 仲有笑添… 好快, 時間就o黎到晚上九點半, 到慶祝時間, 一個極之精緻而好味道o既蛋糕出場啦.. 即刻為當晚掀起高潮, 但勢估唔到, Miss Ma 居然o黎一招鬼馬造型o黎搶鏡, 謀殺o左在場不少記者o既菲林, 勁!!
想回顧當晚o既盛況, 咁你就要去回憶集睇睇啦!!
P.S. 當晚仲聽到一個極之令人興奮o既 news 呀!! 如果你無o黎, 咁就真係錯過了!
圖片取材自 www.groupbuya.com