Skip to content

Author: skyers13

公司 Meeting – 珠海行政房

之前講o左九月三號去o左海洋公園!!  其實o個晚我仲要去珠海, 出席公司會議~   所以我係晚上六點就同左鄰右里講拜拜, 孤身出發到珠海!  去到珠海都已經係八點左右, 拿拿臨 join 返班同事. 醫o左肚先!  跟住就係返去會議室, 繼續開大會!!   其實呢個大會主要係講公司o既方向, 服務範圍, 性質!  足足係o個晚, 攪到成十二點先散, 跟手去飲杯o野,  返到酒店時都成點幾.  好鬼死眼瞓…..  上去酒店時都死死下, 但係當我一入到酒店房, 真係 “頂”.…

延遲又延遲的海洋公園之旅

久違了的海洋公園 其實去海洋公園呢個計劃, 好似係五月已經開始籌備, 但係朋友之間o既日子真係好難可以夾得o岩, 本來都夾o岩o左係五, 六月, 但係點知天公不做美, 要延期, 終於最後係九月三號呢個日子, 一個唔係風和日麗的早上, 我o地一大班朗庭園o既鄰居朋友, 起程去海洋公園.  yeah!!! 去到海洋公園, 我o地一行十四人, 當然係門口留個大合照先啦.  然後就梗係去玩機動遊戲啦, 睇下展覽館之類…. 計計埋埋我都玩o左成四樣o野, 有越礦飛車, 跳樓機, 過山車, 摩天輪, 登山鑬車; 而展覽館就去o左熊貓館(佢o地o黎o左咁耐, 而家先同佢o地見面, 真係唔好意思!), 鯊魚館,…

深圳人才市場招聘會

今日係我第二次去深圳人才市場做招聘o既工作.  本來呢樣o野唔駛我做, 但係由於我同事突然間唔得閒, 去唔到, 所以改為由我頂上(上次都係咁)!   記得第一次去o既時候, 成個人都好緊張, 因為本身國語唔係太好, 好驚會表達唔到, 同應徵者溝通唔到, 會好鬼瘀!  而且又唔知道應該要做o的乜, 好彩第一次去o既時候, 有一個香港同事同我一齊, 佢本身都負責開大陸招聘o既事, 佢當時都教o左好多o野比我, 例如要睇清楚應徵者係本專畢業定係本科, 原來係有唔同, 又要問下佢工作經驗, 又要睇下佢o既行為, 表情, 談吐等等….  真係好多o野要留意!  最重要係我上次係招聘會中,…

文康盃 – 第二場

日期: 26/Aug/2006地點: 摩士公園室內運動場賽果: 48:38 (自力 vs PISA) 今日 26 號晚上 6 點, 我o地打第二場比賽, 今次比賽總算叫人齊, 差不多有九個人, 所以我可以有機會休息! 係前一日, 我特地上o左香港籃球總會o既網站, 去查下對手o既資料.  佢o地個隊名叫 – 自力.  嘩, 唔查猶自可, 一查就弊傢伙,…

文康盃 – 第一場

日期: 17/Aug/2006地點: 石硤尾露天籃球場賽果: 29:26 (Devil vs PISA) 今日係文康盃o既第一場比賽, 真係估唔到, 咁多年後都仲有機會參加正式o既籃球比賽.  其實呢次可以打比賽, 都係因為我好朋友亞 ken o既關係, 因為佢搬o左去珀麗灣住, 咁佢o地個屋苑有籃球隊,  逄星期二晚都會有波打, 咁我同另一個朋友 Sol 咪走埋入去一齊打囉!!   其實都無諗過佢o地會報埋我名, 因為上屆佢o地都係搵自己屋苑o既人打! 我去打波o既原因都係諗住平時要運動下, 加埋有人…

第一次 Blog, Block

第一次 Blog! 第一次學人走去寫 Blog, 原來都幾難!  首先要去搵一個網站o黎放自己個blog, 係網上面真係有好多 free o既 Blog 站, 但唔係個個都好.  點為之好, 以我o黎講, 首先 要user friendly, 其二係要多界面選擇, 第三係可以 support 中文等等….  經過o左好多日o既搜尋,我仍然係搵唔到一個我合心水o既網站, 講真, 其實有可能係我自己蠢, 搵親o既網站都好似好複雜,…

籃球領域

各位好, 我係籃球爺爺, 又係籃球小子, 又會係籃球白痴, 係網上面, 我有好多唔同o既名.  大家鍾意叫邊個名都可以. 大家見我個名, 就知我好喜歡打籃球啦!  好奇怪, 唔知點解咁多種運動, 我對籃球特別喜愛,  小學, 中學, 都玩過排球, 手球, 羽毛球, 跑步等等o既運動, 只有籃球可以吸引到我, 可以o係烈日當空, 太陽高高掛o既時候, 仍然o係球場打波.  籃球帶o左比我好多樂趣, 亦帶比我好多回憶! 當然,…