日期 : 07/June/2007
地點 : 楊屋道街市室內運動場
賽果 : ??? vs ??? (PISA vs ???)
經過一個多月o既休戰, 終於今日又再係楊屋道室內運動場迎戰. 今日o既對手又唔記得叫乜名, 今次連比分都唔記得添… 因為實在發生太多事了, 令到我賽後都無留意分牌同埋對手o既隊名. 不過今次我o地又輸了, 係我印象中, 我o地係輸了四分左右. 連輸兩場, 好 down!!
其實一開局, 我o地都打得好好, 打到第三節完場, 我o地都領先對手三分. 點知係第四局, 我o地完全失手, 令到輸波收場. 其實今場比賽無理由會輸, 打完之後, 我諗o黎諗去, 都無理由會輸! 如果要講今次輸波原因, 可以話係大家夾波出現問題, 對方一全場緊迫, 我o地就有少少亂o左, 加埋唔知係咪因為最後一分鐘比人領先兩分, 球員唔多唔少心理上都出o左問題, 當然自己o既表現都唔好啦, 有兩球係籃底, 居然會唔入, 真失敗… 所以今場輸波真係好 down!!
今次比賽中途發生o左小插曲, 就係第三節完結之前, 因為我方教練兼球員唔小心碰撞對手, 點知對方球員馬上粗言相對, 搞到教練無名火起, 即時雙方球員互罵…. 場面一度混亂! 擾亂之後, 比賽繼續, 點知又係全場完結之前, 又再發生衝突. 當比賽完結之後, 我隊球員即時過去跟對手對罵起來, 教練居然隨手就拎起張摺櫈, 想一o野車埋去對手度, 場面幾咁有火藥味… 
最後撩事者被人係混亂中護送離開, 另一撩事者亦當場 say sorry, 另一場 “比賽” 就咁落幕了!!
Be First to Comment