Skip to content

天氣與身體

近日天氣變凍, 亦持續了兩星期了, 不知大家有無著多件衫呢?  大家要好好保重身體.  因為天氣問題, 好多人身體都出現毛病, 例如傷風感冒, 氣管敏感…….  大家都覺得天氣凍, 只要著多件衫就無事, 點知都係出事.  請假, 返唔到工, 唉……….

今日咁啱係 Road Show 度睇到, 勞醫生解釋o左天氣與身體的關係.  天氣凍, 好多人都以為飲啖酒, 就可以暖身, 點知原來係錯o架.  當人飲酒後, 血氣運行, 身體發熱, 其實係消耗緊熱量, 飲得多, 仲會出現低溫症o架, 嚴重o既話仲會死添…  另一樣o野, 大家以為瞓覺時, 只要加多張被就可以, 其實咁樣又係錯, 錯乜?  因為當你加多一兩張被時, 重量亦會加重, 而咁樣, 會令身體負荷加重, 呼吸會變得不順, 加埋空氣咁凍, 咁你就會瞓得唔好, 第二日亦會無精神.

還有, 氣管有敏感o既朋友, 又係大大鑊, 因為冷空氣係會令氣管更敏感, 呼吸會出現不順.  所以如果大家係戶外工作或者做運動時, 都要考慮一下身體究竟頂唔頂得住, 明未?  有氣管問題o既朋友, 更加要小心.  

大家唔知記唔記前年都有一段時間變得好凍?  今年估唔到又係咁, 好彩前年因為買o左暖爐, 今年又可以大派用場, 年年都用得著, 唔會浪費.  講開暖爐, 前年真係賣到斷晒市, 不論大大小小, 什麼牌子, 只要係出到暖風, 人人都爭相搶購.  而我當然唔會立亂買o野, 點都要搵部比較好o既先買, 所以我就買o左 Bionaire 呢隻牌子o既 heater.  佢可以放係廳, 又可以放浴室, 周圍都可以變得好溫暖.  而 Victo 就更加開心, 因為佢真係好怕凍, 有o左佢, 成屋都暖晒.

Bionaire 暖爐

廣告時段!! 
好多人會買暖風機, 即係吹暖風o個隻. 反而我就唔會揀, 因為直接吹, 會令皮膚好乾燥, 好易爆擦; 而傳統充油式暖爐更加唔會考慮.  反而呢隻暖爐, 可以令四周都變暖, 氣溫升高一至兩度, 令整體室溫變暖, 唔會咁傷皮膚.  而瞓覺時, 更加唔駛加多兩張被, 輕鬆之餘, 又可以瞓得好.  第二日精神都好好添.  

當然, 天氣凍, 都係要著多件衫, 小心身體, 唔好令自己或者身邊人著涼啦, 到時又要破費睇醫生就唔好啦…..

圖片取材自 www.heatpumpsource.co.uk

Published in娛樂購物

Be First to Comment

Leave a Reply