Skip to content

NOD32 Anti-virus Software

今個月o既月頭有成個星期返o左大陸, 呢次大陸之行最主要目的係睇下大陸班員工o既工作表現.  完成晒成個 trip 之後, 發覺原來大陸人對防毒o既意識都係好弱!  由於好多員工成日上o的古靈精怪網, 搞到o的電腦成日中病毒.  

好似早排有隻病毒係透過 MSN 傳播, 香港/大陸公司好多都賴o野.  另外之前有一隻叫唯金o既病毒, 又係搞到滿城風雨!  重有, 重有, 之前有一隻叫 Panda o既病毒, 好多公司都衰晒係佢手上! 

所以防毒軟件係個人除o左 Windows 之外, 必裝o既軟體之一.  防毒軟件除o左保障電腦系統安全之外, 佢其實會拖慢o左部電腦o既速度.  好似金山毒霸、Symantec Antivirus、Kaspersky 等, 資源消耗都幾厲害, 安裝呢類防毒軟件之後, 電腦啟動速度明顯會變慢, 對於一o的低配置電腦o黎講, 無疑是一種枷鎖.  你諗下, 如果有功能強大, 體積小巧, 而且低資源消耗o既防毒軟件,  我諗會係每個電腦使用者所夢寐以求的.

其實由前年開始, 我已經開始測試邊隻防毒軟件好用, 試過 kaspersky, NOD32, Mcafee, CA, Trendmicro 等等, 睇過好多外國網站, 討論區, 一o的報告, 加埋自己o既測試, 最終都係選擇o左 NOD32.  WHY?

1/ NOD32 體積細小, 唔太佔用電腦資源
2/ 病毒碼更新得快, 差唔多一日有一個 update
3/ 掃瞄速度快
4/ 防毒能力高, 殺毒能力強
5/ 價格相宜

其次我會建議用 kaspersky, 不過佢o既要求較高, 系統最好有 P4, 1GB RAM 以上!

而家公司o的客, 我o地係上年都開始轉用 NOD32, 希望係呢一兩年都可以陸續咁換晒.  當然啦, 自己o的 friends, 我一早都同佢o地講, 唔好再裝 Symantec, 轉用 NOD32 啦!

其實今次有另一個比較得意o既發現, 就係 NOD32 對付大陸o既病毒係比較弱, 我諗有可能佢始終係外國公司, 病毒碼更新當然係以外國o既病毒為優先.  所以大陸一有病毒出現, 佢可能未必清除, detect 得到, 反而你用俄羅斯o既 Kaspersky, 或者係大陸o既金山毒霸, 瑞星等等o既防毒軟件, 佢o地係最快可以清除同埋 detect 到!  哈哈, 大家係咪諗緊點解咁奇怪呢…  哈, 你o地自己諗下啦!!


官方網站: http://www.eset.hk
試用完, 記得買正版呀!

Published in電腦領域

Be First to Comment

Leave a Reply