十幾年之後，繼去北海道之後再次踏足日本??，本身都唔係抗拒去日本??嘅人，何解又咁耐先去呢？?? 今次去大阪，都籌備咗大半年，上年年尾已經開始留意有無特價機票，終於喺今年新年 book 到比較抵嘅機票。每次睇機票網頁我都會話咁鬼貴?，去台灣都可以去幾次。。。初初由5千幾張機票睇到而家2千幾，邊個話早買機票會平啲㗎?？
Book 好機票，當然著手搞行程啦！今次 mimi 話佢負責行程?，我當堂“放心晒”，終於唔駛我去 plan 啦，好嘢! 但係過咗幾日，我都係唔放心，做人都係要有 plan B 先得。我就上網睇定啲資料，景點，上 google 搜尋路線距離位置，睇埋啲鐵路線??，究竟點去先著數，用乜嘢票先慳啲。仲要去睇埋民宿，酒店。去 book 景點門票，火車票。。。唔好睇小 plan 行程呢啲嘢，做落係好煩，用好多時間。加埋年頭嘅時候我已經要 plan 兩個行程，一個台灣，一個日本。當然，我會著緊 plan 台灣行程先啦！去完台灣返嚟隨即再繼續 plan 日本之旅。 搞下搞下，咦？咁即係我已經做好個行程出嚟，好佩服自己。
直到我 plan 好晒之後，我就問 mimi 你個行程呢?？心裡面諗如果佢有 plan， 咁就用佢嗰個，我呢個可以放埋一邊，點知。。。。佢。。。。。只係拋咗幾個景點出嚟話想去，跟住就講，plan 咗去呢幾個地方啦！ 真係眼都跌出嚟咁滯，唔只係凸出嚟咁簡單。。。所以話做人要有 plan B。
封面圖片取材自 livejapan.com