坐車去迪士尼途中，蘇菲係架車度瞓著咗。但係一入到樂園就即刻醒神晒。但係落車之際。。。。蘇菲：呢隻腳有閃閃(即刻脫鞋)我：隻腳底有嘢？摔腳底，掃腳，著返鞋。蘇菲：隻腳仲有呀，仲有閃電呀！(又再脫鞋)我：邊有呀，掃咗腳底來回幾次，再用眼逐吋咁睇確認無嘢，然後話無啦蘇菲：有呀，閃電閃電呀!我：你係想話腳痺呀嘛？落地行一陣就無事㗎啦! 呢啲唔係閃電，係腳痺，知道嘛
老老實實，有D人明明學嘅係繁體字，話撐繁體粵語，但有時又會走去寫簡體，如果係工作需要無問題，但facebook, line等通訊，都有時寫簡體，咁究竟係撐定唔撐？講真，呢年我開始都已經唔寫簡體了，唔想繁體失傳。
呢個香港地, 真係愈來愈多怪事….有人冒認中聯辦騙財, 居然又有人會上當.有人冒認煤氣公司上門檢查, 又有人中招, 比人偷竊,有人冒認郵差上門派件, 又有人比佢抄晒D個人資料,有人冒認速遞送紅酒, 又有人居然簽收, 然後比人追收錢, 有人冒認順豐速遞公司, 又有人相信自己涉及運毒, 假證等事情, 比人騙財.有人喺Line度叫人買點數咭, 又有人真係走去買, 騙財幾百至幾千元,其實, 香港人, 係咪真係咁蠢, 咁易呃? 定係真係飲得多鉛水, 所以智力受損而一時傻了? 圖片取材自
