Skip to content

門徒 Protege

今年第一套睇o既戲就係 – 門徒!  呢一套戲, 係未上影之前已經話要入戲院睇.  最想睇o既原因咪又係因為有 – 劉德華囉!!  本來打算係情人節當日去睇, 諗住一星期前網上訂票, 唔駛同人迫, 點知上網訂票o既時候, 發覺 2 月 14 日o既票係無作網上預售, 真係吹Q漲!  就係咁, 推遲到年初三先去睇呢套戲!  

講下呢套戲, 演員方面有 劉德華, 張靜初, 古天樂, 袁詠儀, 吳彥祖…..  之前都睇過劇情簡介, 覺得個故事都好吸引, 係一個幾好o既題材, 所以吸引o左我對呢部戲o既注意!!

但當我睇完之後, 有o的失望, 失落o既感覺.  因為故事實在拍得太單調, 無乜張力, 迫力!  反而最欣賞係導演可以拍到毒品對人o既禍害, 影響; 亦比到觀眾睇到o個個階層o既人o既一面, 好真實!!  一個大毒梟, 一班道友, 一個卧底, 每個人o既背景, 導演都可以好真實咁呈現比觀眾知道, 了解.  

而演員方面, 我最唔喜歡就係吳彥祖, 做戲無理表情!  最欣賞o既係古天樂同埋張靜初, 佢o地演活o左道友o既一舉一動, 令人感到真實, 可以令人感到毒品o既可怕, 睇完之後唔會有衝動去掂毒品呢家o野.  而劉德華當然係中規中矩啦!  不過最喜歡其中一幕, 就係劉德華係度講自己販毒係無錯, 無罪o既一幕, 佢演得好好, 好精彩!!

Published in影音天地

Be First to Comment

Leave a Reply