之前話要分享下我係產房出面o既情況比大家知, 而家講住 D D先
係等待Sophie出嚟期間, 真係好無聊, 等等等~~~
話說我係產前檢查房出面等時, 見到待產房出面有個男人”禁”鐘仔去問老婆情況, 因為佢老婆應該好快會生, 好快要移去產房, 所以佢好緊張.
男人: 姑娘, 我老婆幾時生呀? 幾時要落去產房呀?
姑娘: 好快o架啦! 你唔好走開呀! 佢就嚟要落去..
男人: 吓, 咁即係幾耐到…?
姑娘: 唔知o架, 總之好快要落去..你係咪要陪產呀.. 陪產就唔好走開..
男人: 嗯…. 但係我想去厠所喎
姑娘: 咁你快啲, 呢層無厠所, 要去二樓先有, 你快啲去啦..
男人: 咁我啲走佬袋呀… 仲有…
姑娘: 無, 我哋唔會幫你保管…
男人快手快腳咁拎晒所有嘢, 然後用咗平生最快o既速度去搭lift… 消失係空氣中~~~
圖片取材自 hbr.org