Skip to content

Tag: 回顧

2021 回顧和展望

今年回顧應該要回顧啲乜呢? 真係諗爆頭,點解?不如你同我講,今年你覺得自己有冇發生過乜嘢大事需要回顧呢? 諗唔到呢! 今年自己其實真係覺得過得好快,感覺好似剛剛過完新年無耐,而家話咁快又已經到咗年尾,究竟呢一年做過啲乜呢? 今年同上年差唔多,一樣無得去旅行;一樣無得除罩;一樣無得通關…….. 不過有啲嘢係多咗,就係要用安心出行,嘟入食肆,政府地方……. 有多就會有少,少咗蘋果日報,年尾仲少埋立場新聞,其實仲有好多團體都消失咗。 社會上有好多變化,但呢啲改變有人接受到,有人接受唔到,一樣米養百樣人,多元化嘅社會,當然會有唔同嘅聲音、意見。 當然自己個人唔多唔少都有啲嘢變咗或者將會改變。 變咗嘅有 (回顧) 歲數,大咗一歲,哈哈哈 公司搬咗 office,搬咗去一個更大更舒適嘅環境 終於打咗 BioTech BNO Visa 批咗,可以走佬去英國 將會變嘅有 (展望) 希望去到英國我哋一家可以快快適應,快快租到屋,快快搵到份絕世好工,亞女們快快搵到間好學校入讀,一切順順利利。 一切重新開始,要學會放低,放下身段,去學習當地人嘅生活方式,去融入當地,學做一個本地人。 雖然我會離開公司,離開我嘅工作,但我都希望公司會愈做愈大,愈來愈賺錢,可以快快賣盤賣到個好價錢。 當然最重要嘅係一家人都身體健康。