Skip to content

Tag: Beer

Beer 鬼佬涼茶

香港飲啤酒,通常都係出街同朋友食飯先飲,或者去卡拉 ok、酒吧飲多,間唔中一罐半罐就會喺屋企飲。 其實點解會飲啤酒,真係好飲? 苦,細個時會覺得咁苦,搞乜你哋鍾意飲。大個就會覺得有另一番味道。 成日聽人講外國飲酒好平,當然唔係講啤酒啦,佢哋係講飲威士忌,白蘭地呢啲。 以前睇電視、電影,都會見到好多鬼佬喜歡蒲吧飲啤酒。 香港蘭桂芳都係畀鬼佬飲啤酒,好多人都鍾意放工三五成群去嗰度飲返一兩杯。 以前大家都係叫喜力,生力,嘉士伯,但係好幾年前已經開始有手工精釀啤酒。如果你係劈酒,當然唔會揀呢啲手工啤,價錢太貴,真係劈到你荷包乾硬化呀! 要劈酒大家都會搵返啲平價啤酒,好似 Budweiser、Asahi、藍妹呢類。 本身喺香港以前都會買麒麟 KIRIN、札幌 Sapporo,後尾就買德國 ERDINGER  黑啤。 人真係會隨住年紀大而鍾意飲黑啤,Erdinger 黑啤就係我最喜歡嗰隻。 香港以前飲都係上面所講,同朋友去食飯,去卡拉OK 先會飲。 再唔係就係因為自己做到身水身汗,坐低飲杯啤酒解解熱,或者係沖好晒涼,坐低嘆冷氣飲啤酒嘆下。 如果唔係都無乜理由會無啦啦走去開罐啤酒。 汽水係咪都可以? 係㗎,不過啤酒好似爽好多。 嚟到英國,啤酒會唔會平過香港呢?開頭屋企都無放啤酒,因為都未知邊啲牌子好飲。 就算買,都係買返啲熟悉嘅牌子,穩陣吖嘛!…