Skip to content

2014高雄台南之旅

朋友, 你又去台灣? 台灣真係咁值得你一去再去?   嗯…….   咁朋友, 你又去日本?  你又去英國?  你又去歐洲?  真係咁值得你一去再去?   旅遊之嘛, 覺得邊度舒服, 覺得邊度可以比你休息下, 叉叉電, 咁你喜歡, 點解唔可以一去再去呢?  係咪?

其實今次去高雄台南, 完全係意外. 今年其實都無諗過要去邊度旅行,  之但係咁橋, 台灣朋友居然話結婚, 仲問我去唔去參加. 朋友叫到, 當然二話不說咁答應啦.

 再問之下, 原來佢話係台南擺喜酒, 咁就perfect了, 如果去台北, 真係要諗下有乜好玩, 而家去台南, 唔駛諗, 因為實在太多地方未去過啦.

今次過去台南飲喜酒, 當然一定要帶埋亞囡去啦, 順便去探望一下老婆個台南朋友.  好, 立刻擬定行程先.  

上網搵搵, 真係頭都大埋, 資料多到睇唔晒, 地方多到去唔晒.  成個trip都係五日四夜, 唔可以去晒咁多個地方添, 唯有精選幾個景點.  呢次唔可以一日走太多景點, 因為諗過帶住亞囡, 唔可以太辛苦, 所以一日只可以去一個景點.

睇睇睇, 諗諗諗, 度度度, 終於計劃好咗個行程 (下面會有整個行程寫出來).  先去高雄玩兩日, 睇下草泥馬, 去下遊樂園, 然後再出發去台南飲飲食食, 跟住參加朋友婚宴, 然後回港.  自己計劃完個行程, 都覺得好hea.   好, 跟手上網book酒店, book 機票, book 入場劵……  然後靜待出發日!! YEAH~~~

第一天, 由於早上十一點機出發, 亞囡八點已經出門口, 由於佢未瞓夠, 成程巴士佢都黑晒口臉, 點撩佢玩, 佢都無反應.  去到機場check in, 同佢去食個麥當如早餐, 佢先至叫做有返笑容, 有心情影下相..  上到飛機, 佢簡直醒晒, 又帶headphone, 又睇米奇老鼠, 開心到不得了, 成程機都無瞓到.  落機然後去休閒農場, 亞囡開心到不停要同動物, 同場內的卡通公仔, 玩得不亦樂乎.  係場內, 佢仲可以睇到飛機升降, 玩得好開心.  最後離開搭的士時, 佢終於敵不過睡魔, 睡了. 

第二天, 出發往高鐵左營站轉乘巴士往義大遊樂世界, 同樣由於早起身的關係, 亞囡又再次黑臉,沒精打采.  好彩, 入到樂園, 佢見到D卡通公仔, 佢又再展現笑容, 不停拉著我影相, 影相.  玩足一天, 睡魔又再次來襲, 亞囡又在回程路上睡了.

第三天, 由於唔需要早起, 亞囡明顯地精神飽滿.  由於台南係一個比較悠閒的地方, 我們也不自覺慢了下來.  先去食午飯, 然後再去了誠品打書釘.  不知不覺, 原來已經到了晚上六點, 要和朋友會合, 然後一同吃晚飯了.  一天, 很悠閒, 很愜意的就過了.  晚上, 亞囡和朋友的仔仔一起玩樂, 我想她的笑容, 真的是值千金, 看見她的笑容, 什麼也值得.

第四天, 出發往朋友擺喜酒的酒店, 找了輛的士, 司機慢慢的開, 一路在介紹附近的景點, 很快就到酒店 (差不多一小時呢).  開開心心的一個婚禮, 在愉快聲中結束, 朋友還安排了晚上一同前往看螢火蟲, 原來現在是看螢光蟲的日子, 整個山頭都是螢火蟲, 看了很讓人感動, 很久都沒看過了.  也品嚐了當地很有名的梅子雞, 很好吃喔!!  謝謝朋友的款待.

第五天, 回香港了.. 很捨不得台南, 高雄, 有機會再回來.  等我!!

Published in周遊列國

Be First to Comment

Leave a Reply