2012 其實有乜o野發生過呢? 現在o黎回憶一下先.
2012 有o左亞囡, 生活變得不一樣, 屋企 -> 公司 -> 沙田 -> 屋企…… 生活就係咁過!! 2013 年需要搬家嗎?
2012 公司發展不如預期, 生意沒多大增長, 感到無奈. 雖然年尾作了一些業務變化, 但暫時未見起色, 希望 2013 年可以有好消息.
2012 身體方面除了肥o左之外, 一切正常. 寄望 2013 年可以 “苗條”, 健康一點! 亦希望老媽子精神, 身體都會變好一點!
2012 屋企幅電視牆, 終於比我掛o左裝飾物, 一個好大好大o既鐘, 福綠壽上架, 亞囡o既相~~ 相~~ 相~~ 哈哈!! 什麼投影機, 投影幕, byebye~~ 你估 2013 年有機會搬大屋嗎?
2012 屋企添置了一棵聖誕樹, 又係因為亞囡. 2013 年又會為o左亞囡添置多o左乜o野呢??
2012 差唔多所有新買o既o野都係為亞囡, 自己好似無乜買過乜o野比自己. 2013 我要買樣o野比自己先得!
2012 年又再一次同大伙朋友去韓國旅行, 真高興! 2013 年再有這個機會嗎? 亞囡 2013 年可以同我o地一齊去旅行未?
2012 年又去了一次台灣…. 2013 年又會唔會再去一次?
2012 年, 亞囡第一次發出格格聲的笑聲, 高興到爆… 整天逗她發笑…. 呵呵呵! 2013 年會叫爸爸, 媽媽邊個先呢??
2012 年, 亞囡十個月大就企o左起身行路, 真叻! 2013 年開始要好好看管她, 因為她應該會東奔西跑了 ( 汗 ^_^” )…..
2012 年, 如果無咗亞囡, 我o既生活又會點呢? 2013 年亞囡愈o黎愈大, 我o既生活又會有乜變化呢?
圖片取材自 hk.jobsdb.com